Ийэ тыл кунэ – Колосок ʏhуйааңңа
Ийэ тыл кунэ – Колосок ʏhуйааңңа Барҕа баайым, Өлбөт мэңэм – Мин дьолум… Кустук өңнөөх, Кымыс сыттаах, Сахам аптаах саңата… Улуу киhибит Сэмэн Данилов эппит хомоҕой тыллара, төрөөбʏт төрʏт тылбыт хайдахтаах курдук кэрэтин, мындырын, хас биирдии киhиэхэ кʏндʏттэн кʏндʏ буоларын өйдөтөр. Олунньу уон ʏhэ – Ийэ тыл уонна сурук-бичик кʏнэ. «Колосок» уhуйааңңа, Болугур нэhилиэгин олохтоох библиотеката уонна уhуйаан төрөппʏттэрэ кырачаанннарга анаан төрөөбʏт тылга тапталы иңэрэн, төрʏт дорҕооннору чиңэтэн, иилээн-саҕалаан, биир улахан суолталаах кʏммʏтʏн, көрдөөхтʏк тэрийэн ыыттылар. Оҕолорбут кʏн-кʏбэй ийэлэрэ төрʏт дорҕооннор буоланнар, ырыа-хоhоон этэннэр, таабырын таайтаран, оонньотон умнуллубат тʏгэни бэлэхтээн ʏөртʏлэр. Ону тэңэ «Ньургуhун» бэлэмнэнии бөлөх иитиллээччилэрэ өбʏгэ ʏгэhин инструмена доҕуhуоллаах «Саадьаҕай оҕус» норуот ырыатын ыллаан, оҕолорго, ыалдьыттарга бэлэх ууннулар. Тʏмʏккэ кыралыын-улаханныын туора турбакка ʏгэс быhыытынан «Оhуор ʏңкʏʏтʏн» оройуттан туттубут, ыалдьыттары кытары бэлиэ тʏгэни хаартыскаҕа хааллардыбыт. Уhуйаанныын ыкса ʏлэлэhэр олохтоох библиотекабыт ʏлэhиттэригэр Марианна Иннокентьевнаҕа, Наталья Николаевнаҕа барҕа махталбытын тиэрдэбит. Көхтөөх төрөппʏттэрбитигэр мунура суох махтанабыт. Маны таhынан Айыына Кожурова куйаар ситимигэр биллэрбит «hөҕʏң» диэн ыңырыытыгар, төрөппʏттэрбит өбʏгэ ʏгэhин билиhиннэриигэ оңорбут оонньуурдарын көрдөрөн кыттыыны ыллыбыт.