МБДОУ детский сад «Кунчээн» МР «Нюрбинский район»
Образование · 17 февраля 2026 г.
Олунньу 13 күнүгэр, Төрөөбүт тыл уонна сурук-бичик күнүн көрсө, «Кустук» уонна «Чуораан... — 17 февраля 2026 г. в 04:43:16.926
Олунньу 13 күнүгэр, Төрөөбүт тыл уонна сурук-бичик күнүн көрсө, «Кустук» уонна «Чуораанчык» бөлөхтөргө бэртээхэй тэрээһин буолан ааста. «Төрөөбүт төрүт тылбынан» диэн ааттаах хоһоон ааҕыытыгар күрэххэ уопсайа 14 кыттааччы күүһүн боруобалаата. Оҕолор төрөөбүт тылбыт кэрэтин, күүһүн хоһоон тылынан тиэртилэр. Күрэх хас да хайысханан ыытылынна: • Биирдиилээн ааҕыы; • Оҕо төрөппүтүн (бииргэ төрөөбүтүн) кытта дуэт буолан кыттыыта. Төрөппүттэр, убайдар, эдьиийдэр оҕолорун кытта тэҥҥэ кыттыбыттара тэрээһини өссө истиҥ, иһирэх оҥордо. Күрэх түмүгүнэн кыайыылаахтар билиннилэр: "Кустук" бөлөххө I Үрдэли ылла Тереньева Санаайа уонна убайа Харысхал. А. Захарова "Куобахчаан", "Тииҥчээн" толордулар; II Үрдэл - Данилов Антон, убайынаан Аркадийдыын уонна эдьиийинэн Александралыын К. Туйаарыскай "Ийэ мичээрэ" ; III Үрдэл - Николаев Максим ийэтинээн, И. Артамонов "Мин аҕам бэлэҕэ". "Чуораанчык" бөлөххө I Үрдэли ылла Винокурова виолетта ийэтинээн, П.Тобуруокап "Танюша туһунан" толордулар; II Үрдэл - Николаев Артем ийэтинээн, А. Абаҕыынскай "Ийэ барахсан"; III Үрдэл - Андреева Ванесса ийэтинээн, К. Туйаарыскай "Детсадтаахпыт". Биирдиилээн хоһоон ааҕыттыгар I Үрдэли ылла Адамова Аделина, кини Н. Афанасьев "Саас кэллэ" диэн хоһоону толордо; II Үрдэл - Семенова Лорелея, С. Данилов "Хаппыыста"; III Үрдэл - Колесова Александра Н. Афанасьев "Саас кэллэ" Бары кыттыбыттарга туоһу сорук туттарылынна. Оҕо кыра сааһыттан ийэ тылын таптыырга, сыаналыырга үөрэнэрэ — биһиги кэскилбит бигэ туруга буолар. Күрэх кыттыылаахтарыгар, көмөлөспүт төрөппүттэргэ барҕа махтал! Төрөөбүт тылбыт чэлгийэ турдун! #ТөрөөбүтТылКүнэ #СурукБичикКүнэ #УһуйаанОлоҕо #СахаТыла