Уол оҕо-норуот көмүскэлэ. Уол оҕо, суон ойуур курдук дурда, халыҥ ойуур курдук хахха, у...
Уол оҕо-норуот көмүскэлэ. Уол оҕо, суон ойуур курдук дурда, халыҥ ойуур курдук хахха, удьуору-төрүтү салҕааччы,кыамматы-кыраны харыстааччы, көмүскээччи. Быдан былыргы дьыллартан өбүгэлэрбит эт-хаан, билии-көрүү өттүнэн ыччаттарын сайыннарарга улахан болоҕомтолорун уураллара. Онон аар-саарга аатырбыттара, бөҕө бөҕөстөрү, кус быһыйдары, көмүс куолайдаахтары, сытыы иҥиирдээхтэри, булугас өйдөөхтөрү мунньан үгүс буолбут оонньулары, күрэхтэри ыыталлара. 03.04.2026с. уhуйааммытыгар КҮН БООТУР - 2026 күрэх буолла. Кыттыыны ыллылар: Андреев Богдан Меняков Албан Меняков Аман Филиппов Лев Максимов Сайаан Иванов Аман Четвертаков Вадим. Уолаттар, бэйэни билиhиннэрии, талаан,сыал ытыы, ыстаныы, таабыраннары таайыы, хомуур күрэх түhүмэхтэргэ кииристилэр. Күрэх түмүгүнэн: Түргэн-тарҕан,сылбырҕа туттуулаах уол Андреев Богдан "Сэргэх Уолан" , Өркөн өйдөөх, түргэн толкуйдаах уол Меняков Албан "Өркөн Уолан", Атаҕар тирэхтээх, кус быhый уол Меняков Аман "Быhый Уолан", Кыраҕы харахтаах, булчут-алчыт уол Максимов Сайаан "Бэргэн Уолан", Кыайыыга дьулуурдаах, тулуурдаах уол Иванов Аман "Дьулуур уолан", Хорсун-хоодуот уол Четвертаков Вадим "Дохсун Уолан", Саамай сымса, сытыы, быhый, хорсун-хоодуот, сатабыллаах уол Лев Филиппов "Күн Уолан" ааты ыллылар. Уоланнарбытын эҕэрдэлиибит! Уолаттаргытынан киэн туттаргыт, кинилэргэ бигэ эрэллээх буоларгыт туһугар хорсун, үтүө санаалаах, күүстээх-уохтаах уонна өйдөөх дьон гына иитэн-такайан таһаарыҥ. Уолаттаргыт олоххо үрдүк ситиһиилэринэн эһигини үөрдэ-көтүтэ турдунар.