НАМ УЛУУҺА «ЭРКЭЭЙИ ЭРГИИРЭ» БЫРАГЫРААМА СЭҺЭНИГЭР КЭЛИМСЭ КИИРЭРИ КӨҔҮЛҮҮР — 6 мая 2026 г. в 15:53:07.990
НАМ УЛУУҺА «ЭРКЭЭЙИ ЭРГИИРЭ» БЫРАГЫРААМА СЭҺЭНИГЭР КЭЛИМСЭ КИИРЭРИ КӨҔҮЛҮҮР Муус устар 29 күнүгэр Нам улууһугар З.А.Тихонова аатынан «Түөлбэ» оҕо киинин көҕүлээһининэн «‟Эркээйи эргиирэ” бырагарааманан Нам улууһун үөрэҕин ситимигэр үлэ ис хоһооно, инники соруктара» диэн ааттаах өрөспүүбүлүкэ таһымнаах мэтэдиичэскэй сэминээр ыытылынна. «Нам улууһугар аҕа баһылык уурааҕынан 2019 сылтан саҕалаан төрөөбүт тылынан ыччат сайдар эйгэтин тэрийэр аналлаах кэнсиэпсийэ ылыллан, салгыы ситэриллэн 2024-2026 сылларга былааннаах үлэ ыытыллар. Иннэ гынан «Эркээйи эргиирэ» бырагырааманы кэнсиэпсийэни олоххо киллэрэр сүрүн ньыма быһыытынан сыаналыыбыт. Онон намнар бырагыраама сэһэнигэр кэлимсэ киирэргэ улахан интэриэстээхпит», — диэн кэпсиир Нам улууһун З.А.Тихонова аатынан «Түөлбэ» оҕо киинин мэтэдьииһэ Мария Никитина. Мэтэдиичэскэй сэминээргэ «Эркээйи эргиирэ» бырагараамаҕа олоҕуран улуус үөрэҕин тэрилтэлэрин үлэтин тупсарыы уонна саҥа таһымҥа таһаарыы туһунан кэпсэтии, ырытыһыы буолла. Бу күн үөрэх бары тэрилтэлэрин салайааччылара, оҕону иитиинэн дьарыктанар бары араҥа үлэһиттэрэ, Намнааҕы педколледжтан уонна техникумтан бэрэстэбиитэллэр ыҥырыллан, уопсайа 60 киһи хабыллан үлэлээтэ. ✔️Сиһилии манна аах