МБДОУ детский сад общеразвивающего вида "Теремок" с. Арыг-Узуу
Лайфстайл · 14 июня 2026 г.
💥Чедиликтиң маргылдаалары — 14 июня 2026 г. в 10:17:32.841
💥Чедиликтиң маргылдаалары 📢“Сириуска” баштайгы көш Сочиде “Сириус” өөредилге төвүнүң девискээринде дыштанылга парыгынга май 24-31 хүннеринде 1-2 класстарның өөреникчилериниң аразынга “Баштайгы көш” база көдээ школачылар аразынга “Шыдыраа шөлү” деп Бүгү-россия чергелиг түңнел маргылдаалар болуп эрткен. Маргылдааның кол сорулгазы эге класс өөреникчилериниң аразынга шыдырааны сайзырадыры база шыырак шыдыраачыларны илередип, Россияның чыынды командазын тургузуп, делегей чергелиг маргылдааларга белеткээри болур. Бо Бүгү-россия чергелиг маргылдааларның канчаар эрткенин база түңнелдерин бичии шыдыраачыларның удуртукчузу, Тыва Республиканың алдарлыг тренери Сергей Түлүш таныштырган. 1-2 класстың өөреникчилериниң аразынга “Баштайгы көш” деп маргылдаага киржири-биле Кызылдың немелде өөредилге төвүнүң удуртулгазы база дуржулгалыг тренер башкы С.Ы. Түлүштүң хөй шилилгелиг маргылдааларны чорудуп, шыырактарның аразынга шыңгыы белеткелди эрткен соонда, команда тургустунган. Оларга Кызылдың 20 дугаар школазының өөреникчилери: Эдик Ондар (9 харлыг), Самба Ондар (9 харлыг), Антонина Маадыр-оол (8 харлыг), Айше Ондар (7 харлыг) хамааржыр. Школаның удуртулгазы болгаш шыдыраа башкызы Дусья Ондар бичии шыдыраачыларга спортчу хепти садып база орукка чемненир акша-биле дузалааннар. Самолет-биле баар-кээриниң өртээн Республиканың чалыы шыдыраачылар федерациязының чаа соңгуткан удуртукчузу Данжуур Доржу деткээн. https://vk.com/wall-201111625_65262