МБДОУ "Детский сад "Родничок" МР Нюрбинский район
Образование · 15 февраля 2026 г.
«Ийэ тылым – Саха тыла»: Төрүт тылбыт уонна үгэспит дьиэ кэргэн бырааһынньыга 🌟 — 15 февраля 2026 г. в 03:04:18.450
«Ийэ тылым – Саха тыла»: Төрүт тылбыт уонна үгэспит дьиэ кэргэн бырааһынньыга 🌟 Төрүт дьарыкпыт, төрөөбүт тылбыт баайын бииргэ мустан бэлиэтиир олус үчүгэй! Бүгүн биһиги уһуйааммытыгар «Ийэ тылым – Саха тыла» диэн ааттаах «Сайыы Саха» бырааһынньыга олус истиҥник уонна сэргэхтик ааста. 🥳 Бу сырыыга сахабыт култууратыгар умсугуйар 5 иллээх-эйэлээх дьиэ кэргэн кыттыыны ылла! Сахабыт остуол оонньууларыгар – «Хаамыскаҕа» уонна «Тэлээрискэ» – күөн көрсөн, олус көхтөөхтүк оонньоотубут. 🎲 Күрэхтэһии уххана, үөрүү-көтүү тохтообокко иһилиннэ! Онтон төрөөбүт Ньурбабыт улууһун туһунан билэрбит-көрөрбүт, сиэри-туому уонна сахабыт мааны иһитин-хомуоһун төһө билэрбит тургутулунна. 🍶 Түмүктэри таһаарыы кэмэ олус истиҥ этэ. Бары биир Сандалы тула олорон, санаабытын үллэһиннибит. Көлүөнэлэр ситимнэрэ, бииргэ үөрэниилэрэ киһи эрэ дууһатын долгутар. ❤️ Ытыктабыллаах дьүүллүүр сүбэ хас биирдии кыттааччыны сыаналаата. Ол курдук, биһиги кыайыылаахтарбыт: 🏆 «Удьуор утум» аат кыайыылаахтара – Наталья Ксенофонтовна уонна Петр Прокопьевич! 🌟 «Кэскиллээх ыал» аатын ыллылар – Павловтар дьиэ кэргэттэрэ Снежана Афанасьевна уонна Василий Васильевич! Биһиги бастыҥнарбыт: 🥉 3 үрдэл – Кириллиттэр дьиэ кэргэттэрэ Сардана Варфоломеевна уонна Борнеслав Дмитриевич 🥈 2 үрдэл – Бияковтар дьиэ кэргэттэрэ Татьяна Айааловна уонна Ньургун Витальевич 🥇 1 үрдэл – Даниловтар дьиэ кэргэттэрэ Алина Анатольевна уонна Александр Николаевич Бары кыайыылаахтары уонна кыттааччылары ис сүрэхтэн эҕэрдэлиибит! 🎉 Бу дьоро күнү биһигини кытта үллэстибит, төрөөбүт тылга уонна дьиэ кэргэн сыаннастарыгар ытыктабыллаахтык сыһыаннаһар дьоммутугар барҕа махтал. Төрүт култуурабытын харыстыы уонна сайыннара туруоҕуҥ! 🥰