МБДОУ «Детский сад «Сайыына» с.Кэнтик, Верхневилюйский улус
Лайфстайл · 26 мая 2026 г.
🎉 Сайыына уһуйааныгар Оҕо көмүскэлин күнүн үөрүүлээх тэрээһинэ! 🎉 — 26 мая 2026 г. в 15:29:10.733
🎉 Сайыына уһуйааныгар Оҕо көмүскэлин күнүн үөрүүлээх тэрээһинэ! 🎉 Бүгүн, ыам ыйын 26 күнүгэр, Сайыына уһуйааныгар Оҕо көмүскэлин күнүгэр аналлаах олус сэргэх, сырдык уонна күрэстэһиилээх бырааһынньык буолан ааста! ☀️ Тэрээһиммитин таһырдьа ыытыахтаахпытын, күн-дьыл туруга тымныы буолан, уһуйаанмыт сылаас, киэҥ саалатыгар көһөрдүбүт. Саалабыт иһэ оҕо аймах ыһыллыы-тоҕуллуу күлүүтүнэн, айдаанынан, үөрбүт-көппүт саҥатынан туолан, тула өттө барыта сэргэхсийэ түстэ! Күн-дьыл тымныыта оҕолорбут күүрээннээх уотун уонна бырааһынньыктааҕы күүстээх санааларын умуруорбата! ❄️✨ Бырааһынньыкпыт уһуйаан оҕолоругар анаммыт кыракый кэнсиэрдэриттэн саҕаланна. Кырачааннарбыт ыллаабыт ырыаларын, үҥкүүлэрин уонна хоһооннорун бары үөрэ-көтө көрдүбүт, истибиппит. 🎶🎤 Сахалыы сиэринэн ыалдьыттары сылаас алаадьынан, сөрүүн бырпаҕынан айах туттубут. Саамай күүтүүлээх өрүтүнэн оҕолорбут бэйэ-бэйэлэрин кытта күүстэрин уонна сымсаларын боруобалаһыылара буолла. 🏆 Оонньуулар түмүктэринэн кыайыылаахтарга уонна кыттыылаахтарга үөрүүлээх быһыыга-майгыга ГРАМОТАЛАР, МЕДАЛЛАР туттарылыннылар! 🥇🥈🥉 🎈 Бу күн оҕолорбут маннык көрүҥнэргэ күөн көрүстүлэр: • Мас тардыһыыта – оҕолор күүстэрин, тулуурдарах көрдөрдүлэр. • Тустуу – сымса уонна холку быһаарылыннылар. • Ойбонтон уулааһын – сахалыы былыргы оонньуубутугар оҕолор иччилээхтик кытыннылар. • Миэстэттэн ыстаныы – саамай ыраах көтөөччүлөр бэлиэтэннилэр. 👨👩👧👦 Төрөппүттэр уонна саамай кырачааннарбыт (ясли бөлөхтөрө): Нэһилиэкпит тирэҕэ буолбут төрөппүттэрбит оҕолорун кытта тэҥҥэ араас көрдөөх оонньууларга көхтөөхтүк кытыннылар. Ону таһынан кинилэргэ анаан остуол оонньуута тэрилиннэ. 🍬 Минньигэс түгэн: Тэрээһин бүтүүтүгэр иитиллээччилэрбитигэр барыларыгар амтаннаах, минньигэс ас туҥэтилиннэ. Оҕолорбут үөрүүлэриттэн харахтара уоттанна! Хас бирдии кыттааччыга, төрөппүккэ уонна тэрийээччилэргэ дириҥ махталы тиэрдэбит! Оҕолорбут куруук үөрэ-көтө, доруобай сырыттылар! ❤️✨