МБДОУ «Детский сад «Сайыына» с.Кэнтик, Верхневилюйский улус
Лайфстайл · 26 сентября 2026 г.
Саха Өрөспүүбүлүкэтин Судаарыстыбаннаһын күнэ «Сайыына» уһуйааҥҥа!
Саха Өрөспүүбүлүкэтин Судаарыстыбаннаһын күнэ «Сайыына» уһуйааҥҥа! Балаҕан ыйын 27 күнэ — биһиги кэрэ-мааны Сахабыт сирин остуоруйатыгар саамай суолталаах уонна бэлиэ бырааһынньыктар. Бу ураты күнү көрсө, Балаҕан ыйын 23 күнүгэр,«Сайыына» уһуйаанмыт бары бөлөхтөрүгэр өрө көтөҕүүлээх патриотическай дьарыктар уонна тэрээһиннэр үрдүк таһымнаахтык аастылар ☀️🌾 «Кырачаан» бөлөххө актыыбынай төрөппүттэрбит оҕолорунаан өрөспүүбүлүкэбит судаарыстыбаннай былаахтарын оҥорбуттара олус үөрүүлээх сонун буолла! Малыштар былаахпыт хас биирдии өҥүн суолтатын кытта дьоһуннук билиһиннилэр уонна улахан астыныыны ыллылар.🎓 «Орто» бөлөх оҕолоро бырааһынньыкка анаан бэйэлэрэ өрөспүүбүлүкэбит былааҕын уруһуйдаан, былаах кырааскалаатылар. Оҕолор былаах уруһуйдуулларыгар хас биирдии өҥ суолтатын, ортотугар баар маҥан күн туох кистэлэҥнээҕин дьарык кэмигэр иитээччилэртэн сэргээн иһиттилэр уонна айымньылаах үлэни улаханнык астыныыны ыллылар. «Улахан» бөлөх уонна оскуолага киириэн иннинээҕи бэлэмнэнии бөлөх оҕолоругар анаан иитээччилэрбит дириҥ ис хоһоонноох тематическай дьарыктары ыыттылар. Сахабыт сирин гиэрбэтин уонна улуу чулуу дьоннорбут остуоруйаларын үөрэттилэр, былаах тутан бэйэлэрин санааларын үллэһиннилэр. Маннык патриотическай тэрээһиннэр кэнчээри ыччаттарбыт кыра саастарыттан дойдумсах, ийэ тыллаах, бэриниилээх граждан буола улааталларыгар улахан олук уураллар! «Сайыына» уһуйаан салалтатын уонна иитээччилэрин аатыттан бары убаастабыллаах, актыыбынай, көмөлөөх төрөппүттэрбитигэр уонна үлэһиттэрбитигэр ис срэхтэн дириҥ махталы биллэрэбит! 🙌✨ Эһиги оҕолоргут туһугар кыһамньыгыт уонна үтүө көмөҕүт иһин улахан эҕэрдэ! Уруй-айхал буоллун!