Арассыыйа5а норуоттар сомо5олоһууларын, Саха ɵрɵспүүбүлэкэтигэр — 11 февраля 2026 г. в 13:56:54.359
Арассыыйа5а норуоттар сомо5олоһууларын, Саха ɵрɵспүүбүлэкэтигэр култуура уонна Ѳлөөн оройуонугар экология сылларын арыйар тэрээһин ыытылынна. Бугун олунньу 11 кунугэр биһиги уһуйааммытыгар Арассыыйа5а норуоттар сомо5олоһууларын, Саха ɵрɵспүүбүлэкэтигэр култуура уонна Ѳлөөн эбэнки национальнай оройуонугар экология сылларын арыйар уөруулээх тэрээһин буолан ааста. Өлөөн оройуонун Аҕа баhылыга Иван Александрович Саввинов 2026 сылы биһиги оройуоммутугар экология сылынан биллэрбитэ. Быһаарыныы сыала-соруга – экологическэй эйгэҕэ баар кыһалҕалаах боппуруостарга болҕомтону ууруу, дойдубут айылҕатын туругун тупсарыы уонна харыстааһын үлэтэ. Айылҕаны харыстааhын сыала-соруга бигэ туhаайыылаах буолуохтаах – экология туругун тупсарыы, энчирээбит тулалыыр айылҕабытын чөлүгэр түhэрии. Онон, оройуоммутугар, нэһилиэктэргэ тупсарыы үлэлэрэ быйыл сайын ыытыллыахтара диэн эрэнэбит. Сахабыт сирин Ил Дархана Айсен Сергеевич Николаев 2026 сылы Саха сиригэр култуура сылынан биллэрбитэ. Ол туһунан Ил Дархан ахсынньы 23 күнүгэр Анал илдьитигэр иһитиннэрбитэ. Бу Өрөспүүбүлүкэ олохтоохторугар улахан суолталаах буолар. Саха норуота баай, дириҥ историялаах. Үйэлэри уҥуордаан кэлбит биһиги төрүт култуурабытын, үгэстэрбитин илдьэ хааларга уонна үүнэр көлүөнэҕэ тириэрдэргэ улахан суолталаах сыл буолуо5а. Бу сылга анаан о5олорбутугар, төрөппуттэрбитигэр араас тэрээһиннэр, курэхтэр ыытыллыахтара. Россиябыт президенэ Владимир Владимирович Путин 2026 сылы Россия5а норуоттар сомо5олоһууларын сылынан биллэрбитэ. Сурун сыала - омуктар икки ардыларынааҕы сөбүлэһиини, доҕордоһууну уонна бүтүн арассыыйатааҕы гражданскай идентичноһы бөҕөргөтуу. Арассыыйа 190тан тахса омук үйэлэргэ эйэлээхтик, сөбулэһэн олорор ураты дойду буолар. Хас биирдиилэрэ биһиги государствобытыгар, культуратыгар, үгэстэригэр уонна историятыгар бэйэлэрин кылааттарын киллэрэллэр. Бу араас норуоттар - биһиги сүрүн баайбыт буолаллар. Бары бииргэ дойдубутун көмүскүүбүт, кэскили бииргэ тутабыт уонна эйэни тустуубут! Бугунну уөруулээх бырааһынньыкпытын «Тугутчаан» уһуйааммыт иитиллээччилэрэ киэргэттилэр, бэйэлэрин э5эрдэлэрин кэлбит ыалдьыттарга тиэртилэр. Ол курдук кырачаан иитиллээччилэрбит «Айыл5аны харыстыа5ын» - диэн суолталаах хоһооннорун бэлэхтээтилэр. Улахан бөлөх о5олоро - култуура сылынан «Дьоллоох о5о саас» ункуулэринэн уөрэ-көтө э5эрдэлээтилэр. Уонна бэлэмнэнии бөлөх иитиллээччилэрэ «Иллээх - эйэлээх, до5ордуу буолуохха» - диэн туран «От улыбки …» ырыаннан тэрээһиммитин тумуктээтилэр. Улахан суолталаах, уөруулээх - көтуулээх тэрээһиммитигэр кыттыыны ылбыт ынырыылаах ыалдьыттарбытыгар - олохтоох дьаһалта баһылыгын солбуйааччытыгар Маргарита Васильевна5а, нэһилиэкпит култууратын салайааччытыгар Светлана Михайловна5а бар5а махтал. Бу ууммут Сомо5олоһуу уонна до5ордоһуу, Култуура уонна Экология сыллара барыбытыгар ситиhиини тосхойдун! Таһаарыылаах уонна тумуктээх сыл буоллун! Ийэ дойдубутугар эйэлээх олох олохсуйдун! «Тугутчаан» уһуйаан ул.иитээччитэ К.Р. Николаева