"Квантум"— кырачаан чинчийээччилэр саҥа дьиэлэрэ. Муус 10 күнүгэр биһиги детсадпыт иһиг...

"Квантум"— кырачаан чинчийээччилэр саҥа дьиэлэрэ. Муус 10 күнүгэр биһиги детсадпыт иһигэр олус кэрэ, күүтүүлээх түгэн буолла — саҥа билии уонна арыйыы киинэ — «Квантум» арылынна! Үөрүүлээх арыллыы кыһыл лентаны быһыыттан саҕаланна. Оҕолор конструкторынан тугу туохха майгыннатан оҥорбуттарын туһунан төрөппүттэригэр кэпсээтилэр, төрөппүттэргэ анаан "Бионика" наука туһунан информация кэпсэнилиннэ. Төрөппүттэргэ "Бионика" - инникиигэ хардыы диэн конкурс буоларын биллэрилиннэ. «Квантум» иһигэр туох баарый? биһиги кырачааннарбыт манна: • Чинчийээччи буолуохтара: Лупанан (улаатыннарар ачыкынан) сэбирдэҕи, тааһы, кумааҕыны көрүөхтэрэ. • Арыйааччы буолуохтара: Саҥа дьикти оонньуулары, конструктордары холбуохтара. • Айааччы буолуохтара: Уунан, быйаҥынан, өҥнөөх кумааҕынан эксперименнэри оҥоруохтара. Детсад сэбиэдиссэйэ Наталья Михайловна этэринэн: «Биһиги 'Квантум' киинин аһан, оҕо айар дьоҕурун уһугуннарар улахан хардыыны оҥордубут. Саамай кыра саастан саҕалаан, оҕо аан дойдуну билиэн-көрүөн баҕарар. Бу киин — кини бастакы ситиһиитин олоҕо буолуоҕа». «Квантум» арыллыыта — бу биһиги кырачааннарбыт саҥа таһымҥа тахсыылара! Инникитин манна саамай интэриэһинэй, саамай дьикти арыйыылар күүтэллэр!