УҺуйааммытыгар Эбэҥки тылын уонна культуратын нэдиэлэтэ олус сэргэхтик буолан ааста. Нэ...
УҺуйааммытыгар Эбэҥки тылын уонна культуратын нэдиэлэтэ олус сэргэхтик буолан ааста. Нэдиэлэ устата уһуйаан оҕолоругар анаан араас хайысхалаах, интэриэһинэй дьарыктар уонна тэрээһиннэр үрдүк таһымнаахтык ыытылыннылар. Оҕолор эбэнкилэр сүрүн эҕэрдэлэһэр тылларын«Мэнду!», эбэҥкилии тыа, дьиэ кыыллар ааттарын үөрэттилэр. Өбүгэлэрбит ураты дьиэлэрин — ураһа туһунан, ол таҺынан харысхал туҺунан билистилэр. Саамай сэргэх чааһынан хамсаныылаах оонньуулар буоллулар: оҕолор наарта ыстанан боруобалаатылар, тыа кыыл уобараһыгар киирэн оонньоотулар. Эбэнки норуотун "Табалар мөккүөрдэрэ" диэн остуоруйаны иһиттилэр, инсценировка туруордулар. Музыкальнай дьарыкка бары бииргэ «Сээдьэ" диэн эбэнкилэр сүрүн оһуокайдыы үҥкүүлээрин үҥкүүлээн үөрдүлэр. Маны таҺынан ,о5олорго эбэҥки тылынан хоҺоон аа5арга күрэх буолан ааста. Анал дьүүллүүр сүбэ о5олор хоҺоону төһө бэргэнник, өйдөөн уонна уус-ураннык ааҕалларын сыаналаан, маннык түмүк таһаарда: I миэстэ - Сергеева Лея. II миэстэ - Винокурова Виктория. III миэстэ- Семенов Эрхан. Күрэххэ бэйэлэрин уратытык, чаҕылхайдык көрдөрбүт оҕолор анал номинацияларынан бэлиэтэннилэр. Уһуйаан салалтата уонна иитээччилэрэ хоһоон ааҕыытын күрэҕэр оҕолорун бэлэмнээбит, көхтөөхтүк кытыннарбыт күндү төрөппүттэрбитигэр уонна уһуйаан үлэһиттэригэр дириҥ махталы биллэрэбит!