Нохчийн къоман мехалчу денойх цхьа де ду Нохчийн меттан де. Доккха маьIна а, кIорггера ... — 28 апреля 2026 г. в 15:25:14.643
Нохчийн къоман мехалчу денойх цхьа де ду Нохчийн меттан де. Доккха маьIна а, кIорггера чулацам а болуш ду иза. Муьлххачу къоман санна – иза нохчийн къоман коьрта билгало а, адамаллин куьзга а ду. Маттаца доьзна ду халкъан дерриге дахар: уьйраш, сий, яхь, болх, гергарло, хьекъал, кхетам. Иза хууш волчу Нохчийн Республикин хьалхарчу Президента, Россин Турпалхочо Кадыров Ахьмад-Хьаьжас (ДАЛА гIазот къобалдойла цуьнан) ненан мотт Iалашбарна, кхиорна боккха тидам тIебахийтира. Цо дIаболийна некъ дIахьош, нохчийн матте болу шен ларам гойтуш Россин Турпалхочо Кадыров Рамзана оханан беттан 25-гIа де Нохчийн меттан де ду аьлла дIакхайкхийна. Цу денна лерина мероприяти д1айаьхьира Сема1ашкарчу «Ясин» ц1е йолчу берийн бешахь. Коьрта 1алашо: Берийн Нохчийн матте болу безам ч1аг1бар, вайн г1иллакхаш, 1адаташ, синмехаллаш йовзийтар