🧐📰 "КӨР, БИЛ" саҥа рубрика.
🧐📰 "КӨР, БИЛ" саҥа рубрика. Бастакы таһаарыы. Уһуйааннарга, оскуолаларга оҕолорго төрүт аһы сиэтэллэр дуо? Сиэтэн бөҕө буоллаҕа. Антоновкатааҕы А.Г. Габышев аатынан "Биһик" уһуйаан холобуругар итини көрдөрөөрү, кэпсээри ыалдьыттаатыбыт. 🧑🏻🍳 "Биһик" уһуйааҥҥа 103 оҕо сылдьар, 4 бөлөх. 2 повар, 1 көмөлөһөөччү баар. Үлэлэрэ сарсыарда 06:00 ч. саҕаланар. Оҕолор күҥҥэ биэстэ аһыыллар. Уһуйааҥҥа аһылык үбэ улуус бюджетыттан көрүллэр. 📌 Киирээт даҕаны төрөппүттэргэ анаан күннээҕи меню суруллан турар. Олус табыгастаах. 📑 Бу менюну завхоз уонна гигиена инструктора СанПиН ирдэбилигэр олоҕуран бэйэлэрин көрүүлэринэн, оҕолор тугу ордороллорунан оҥороллор. Саха сирэ бу ирдэбилгэ төрүт аһы киллэрэринэн кыра уратылаах буолар. 🥛 Күнүскү аһылыкка кухняҕа суорат кэккэлэспит. Олохтоох оҥорон таһаарыы, "Байар" кооператив киэнэ. Оҕолор "күн" хааһытын (кукуруза хааһыта) уонна суораты астына сииллэр эбит. Суорат, йогурт, бифилюкс күн аайы сиэтэллэр. Үрүҥ аһы "Нюрба-Агро" МТС-тан эмиэ ылаллар. 🧈 Эмиэ күн курдук өҥнөөх арыы. Олохтоох. Күҥҥэ 1,200-1,400 киилэ барар. Манна "АсТал" маҕаһыыны кытары үлэлэһэллэр. 🥩 Морозильнигы өҥөйөн көрдүбүт. Сылгы этин Күндээдэ кооперативыттан, ынах этин Өҥөлдьөттөн ылаллар - "Өлөҥнөөх" тэрилтэ уонна Антоновкаттан, "Тирэх" кооперативтан. Биир күҥҥэ 10-тан тахса киилэ эт астанар. Оҕолор эт сиэбэт буолбуттарын уһуйааҥҥа эмиэ өйдөөн көрөллөр. 🥕 Хортуоска эмиэ "Өлөҥнөөх"-төн. Маны таһынан үлэһиттэр бэйэ күүһүнэн хортуоска олордоллор эбит, чөкө теплицалаахтар. Оҕуруот аһын тоҥорон кыһын тутталлар. Санааларытттан кыһаллалларын көрүҥ, эбии битэмиин. 🍒 Биир сэргэх үгэстэринэн буолар күһүн аайы хас биирдии үлэһит отон кыттыһара. Онон оҕолор кыһыннары морс иһэллэр. Ол эрэн үгэс бу сыл тохтоон ылла. Отон отой үүммэтэҕэ ди... 🍪 Бурдук ас күннэтэ астанар. Итиннэ туттарга сымыыты көтөр фабрикаттан ыла тураллар. Бэйэтинэн сиэппэттэр. ✅ Оҕоҕо аһылыга уопсай сайдыытыгар, чөл, эрчимнээх буоларыгар улахан сабыдыаллаах. Ити курдук уһуйаан остуолугар иҥэмтиэлээх, амтаннаах, төрүт ас баар. Көрдүбүт, биллибит. Көрдөрөргө сөбүлэспит "Биһик" уһуйааҥҥа махтал! ✍🏻 Айталина Камилова @gazetanyurba @ulusmedia