Буряад-монголшуудай хүүгэдээ хүмүүжүүлхэдээ хорюул, сээр ойлгуулха хэдэн заршамууд ❤️ — 13 июля 2026 г. в 13:16:56.564
Буряад-монголшуудай хүүгэдээ хүмүүжүүлхэдээ хорюул, сээр ойлгуулха хэдэн заршамууд ❤️ 1. Харилсаанай талаар • Худал хэлэдэггүй • Хүнэй хоорондо хоб зөөдэггүй • Аха зоной дээрэнь гаража һуухагүй • Абынга, ахынгаа хажууда хүлөө хүл дээрээ хаяжа һуухагүй • Аха зоной хөөрэлдөөндэ орохогүй • Зоной урдуур гүйхэгүй • Хүнэй юумэ асуунгүй абахагүй • Хүнэй толгойдо, малгайда хүрэдэггүй • Хүн рүү хургаараа зангажа байгаад хөөрэхэгүй • Ахамад зоной мүр дээрэ гараа табидаггүй 2. Сээрлэхэ юумэн • Аяга, табагаа муухай хонуулхагүй, үридэ орохо • Сүүмхын амыень онгорхой орхидоггүй, гарза гараха • Ороо заһангүй орхидоггүй, ажал бүтэхэгүй • Абдар ханзаа нээлтэтэй орхихогүй, гарзын үүдэн нээгдэхэ • Халбагаа аяга соо хээд орхидоггүй, хэһэн ажал хооһон, дүнгүй байха 3. Эдеэндэ хабаатай • Сайгаа дутуу уужа үлээдэггүй, аманай хэшэгээ төөрихэ • Зогсоод сай уухагүй, ажал хэрэг бүтэхэгүй • Хэбтэжэ эдеэ хоол барихагүй, үбдэхы зүгнэхэ • Буруу хаража һуугаад эдеэлхэгүй 4. Бэеэ заһалгын талаар • Хургаа хүхэхэгүй, эжыдээ муу һанаха • Һамдаа даахияа үлээдэггүй, ажал хэрэг бүтэхэгүй • Гал гуламтынгаа дэргэдэ хогтой хонохогүй, бузарлаха • Үһэнэйнгээ үзүүрые амандаа хэдэггүй, эхэнэр зониинь зобохо • Орой уһанда ошодоггүй • Эмэгтэй хүн хүлөө хүл дээрээ дабхарлан ба алсайгаад һуужа болохогүй • Хүлынгөө улануудые ниилүүлдэггүй, муу ёро • Амаараа турьядаггүй •Айлда айлшаар буугаад, шэхээ ухашалхагүй, хюмhаа абахагүй, ёро хараhантай адли. Намжилма Цыденова