ария Михайловна Плотникова 1971 сыллаахха Павловскайдааҕы «Лена» оҕо саадыгар иитээччин... — 2 марта 2026 г. в 02:17:48.088
ария Михайловна Плотникова 1971 сыллаахха Павловскайдааҕы «Лена» оҕо саадыгар иитээччинэн үлэлии киирбит, онтон ыла 34 сыл устата бу уһуйааҥҥа кэнчээри ыччаты иитиигэ- үөрэтиигэ туох баар билиитин, сатабылын ууран туран айымньылаахтык үлэлээбитэ. Кини хас биирдии кырачааҥҥа ураты ийэлии истиҥ сыһыаннаах иитэээччи. Бу хаартыска 1986 сыллаах. Мария Михайловна тыйаатыр куруһуогар оҕолору дьарыктыы сылдьар. Кырачааннарыгар искусство биир сүдү көрүҥүн тыйаатыр туһунан билиһиннэрэн тыл сайдыытыгар ситимнээх саҥаны, айар дьоҕуру, тарбах былчыҥнарын сайыннарыыга үгүс өрүттээх үлэни тэрийэн ыыппыта. Бу хаартыскаҕа Мария Михайловна аттыгар бааллар Ефимова Таня - Арктик телеком менеджера, Егоров Петя - тутуу үлэһитэ, Михайлова Аня - Дьокуускайдааҕы научнай киин медсестрата, Степанов Коля - хотугу многоборье тренера. Мария Михайловна билигин бочуоттаах сынньалаҥа олорор биһиги убаастыыр ветераммыт, куруук көмө- сүбэ буолар аҕа сүбэһиппит. Кини нэһилиэкпит Бочуоттаах олохтооҕо, педагогическай үлэ ветерана, оскуола иннинээҕи үөрэхтээһин сайдыытыгар кылаатын иһин бэлиэлээх. Талааннаах киһи барытыгар талааннаах дииллэринии биһиги Мария Михайловнабыт талааннаах тарбахтаах иистэнньэҥ, кыл - сиэл оҥоруутугар норуот маастара. Алгыс үҥкүү, Играй гармонь ансаамбыллар көхтөөх кыттыылааҕа. Культура уонна спорт эстафетатын хас да төгүллээх Лауреата, Дипломана. «#Дарим детству крылья и корни!», «#100летсчастья», «#дошкольное образование», «#100ДО МК»