☀️ Җәйге чор ата-аналар өчен икеләтә җаваплылык өсти, аеруча балаларның иминлегенә кара... — 2 июня 2026 г. в 06:26:28.476

☀️ Җәйге чор ата-аналар өчен икеләтә җаваплылык өсти, аеруча балаларның иминлегенә карата игътибарлы булуны таләп итә. Актаныш районы Пучы балалар бакчасында узган ата-аналар җыелышы куркынычсызлык кагыйдәләрен искә төшерүдән башланды. Чарада балалар катнашында булган юл-транспорт һәлакәтләре турында сөйләштеләр, җәйге ял вакытында юлларда хәвефсез йөрү мәсьәләләренә тукталдылар. ГБУ «БДД» бүлекчәсе җитәкчесе Л.Р. Мөхәмәтова әти-әниләргә гыйбрәтле видеоролик тәкъдим итте. Ул тормышта булган вакыйгалардан нәтиҗә ясарга, башкаларның хаталарын кабатламаска һәм балаларга шәхси үрнәк күрсәтергә чакырды. Балаларыбызның җәйге яллары күңелле генә түгел, ә имин дә булсын! Барлык юл хәрәкәтендә катнашучыларга хәвефсез һәм матур җәй телибез! 🚸🌿