МБДОУ « Тыллыминский детский сад «Кунчээн» им. Д. Ф. Тимофеевой»
Лайфстайл · 3 ноября 2026 г.
"Ымыычааннар" сүбэлииллэр рубрика:
"Ымыычааннар" сүбэлииллэр рубрика: Сымнаҕас, илиигэ сыстыбат уонна оҕоҕо куттала суох пластилины (туустаах тиэстэни) дьиэҕэ оҥорор олус судургу. Бу рецебынан оҥоһуллубут пластилин уһуннук харайыллар уонна маҕаһыын киэниттэн туох да итэҕэһэ суох сымнаҕас буолар. 📋 биһиэхэ наада: • бурдук — 1 ыстакаан • туус (бытархай буолара ордук) — 2 столовай ложка. • итии уу (кипяток) — 1 ыстакаан аҥаара • Үүнээйи арыыта (растительное масло) — 2 улахан ньуоска • Лимон кислотата (лимонная кислота) — 1 улахан ньуоска (пластилин уһуннук турарыгар уонна сымнаҕас буоларыгар наада) • Ас кырааската (пищевые красители) — араас өҥү таһаарарга 👩🍳 Оҥоһуутун хаамыыта: 1. Барытын холбоо: Биир кыра иһиккэ бурдугу, тууһу уонна лимон кислотатын кутан үчүгэйдик булкуй. 2. Кураанах булкаһыкка итии ууну уонна үүнээйи арыытын кутан, хомуога суох буолуор диэри биир кэлимсэ гына булкуй. Ас кырааскатын тута ууга суурайан кутуохха сөп. Эбии өҥнүүр буоллахха: Биир улахан маҥан тиэстэни оҥорон баран, хас да чааска араар уонна ас кырааскатын хас биирдии чааска кутан илиигинэн мэһийэн өҥнөө. 💡 Туһалаах сүбэлэр: • Харайыы: Оонньоон баран, пластилины салгын киирбэт гына целофан пакекка дуу, контейнерга дуу уган холодильникка харайыҥ. Оччоҕо хас да ый туруоҕа. • Куурдаҕына: Өскөтүн туустаах тиэстэ кыратык кууран хаалбыт буоллаҕына, илиигин ууга илитэн баран хатылаан мэһий, сотору уруккутун курдук сымнаҕас буолуо.