МБДОУ «Верхоянский детский сад 1» МР «Верхоянский район»
Образование · 14 февраля 2026 г.
Тырыынка курэ5э. — 14 февраля 2026 г. в 22:16:09.734
Тырыынка курэ5э. Олунньу 13 кунугэр Дьааны куоратын бастакы нуомэрдээх уьуйааныгар, уьус тогулун "Ийэ тыл уонна сурук - бичик" кунугэр ананан тэриллибит сылын ахсын бастакы, иккис, Боронук уьуйааннарын икки ардыларыгар коьо сылдьан ыытыллар "Тырыынка" курэ5э буолан ааста. Бу тырыынка обугэлэрбит уйэлэртэн илдьэ кэлбит мындыр оонньуулара буолар. О5ону бол5омтолоох, тулуурдаах, холку, бииргэ оонньуур о5олоругар убаастабыллаах сыьыаннаах, оонньуу быраабылатын тутуьалларын ирдиир оонньуу. Балаьыанньа быьыытынан курэхтэьээччилэр эрдэттэн бэлэмнэнэн э5эрдэ нуомэрдээх кэлбиттэрэ. Тэрийэн ыытааччы 1 нуомэрдээх о5о уьуйаанын иитиллээччилэрэ иитээччилэрин кытта "Торообут торут тылбыт" диэн ырыанан ыалдьыттарын э5эрдэлээтилэр. Боронук "Сибэккичээн" о5о уьуйаанын иитиллээччилэрэ саха тылынан уус - уран айымньытын чыыбы - чаабы чабыр5а5ы олус бэрткэ аахтылар. Иккис нуомэрдээх о5о уьуйаанын иитиллээччилэрэ "Тырыынка" диэн тырыынка оонньууга анаан айыллыбыт ырыаны доргуччу ыллаатылар. Курэхтэьиибитигэр уьуйаан аайыттан биирдии анаммыт судьуйалар улэлээтилэр: Марина Михайловна, Моника Христофоровна, Василина Васильевна. Ону сэргэ оонньоон буппут о5олорго анаан сахалыы остуол оонньууларын Мотрена Петровна оонньотто. Уонна бэрт сэргэх саха тылын тоьо билэллэрин тургутан корор викторинаны Мария Гаврильевна, Яна Николаевна, Анна Егоровна ыыттылар. Викторина 13 ыйытыылаах - сахалыы иьиттэр, уунээйи, кыыллар, кун - дьыл кэмэ, олонхо дойдута. Аныгы о5олор сиэринэн биирдиилээн ноутбук иннигэр олорон техниканы баьылыылларын кордордулэр, ыйытыктарга хоруйдаатылар. Викторина тумугунэн тыа сирэ о5олоро сахалыы иитиилээхтэрин бигэргэтэн Боронуктан Забаровская Таня, Бегишева Ванесса 13 баалтан 11диини ыллылар. Сурун Тырыынка курэ5ин кыайыылаа5ынан та5ыста Сандаара Стручкова, иккис миэстэни ылан уордэ - котто Лилияна Овчинникова, уьус миэстэни ылла иккис нуомэрдээх уьуйаан иитиллээччитэ Попова Дуняша. Кыайыылаахтар грамотанан, мэтээллэринэн на5араадаланнылар, курэххэ кыттыбыт о5олор бары сертификат, минньигэс сахалаат бириис тутаннар, уорэ - кото оссо да корсуох буолан тар5астылар. Суруйда: Саргылана Аммосова