🏓Муус устар 11 күнүгэр полиция капитана, "Хорсунун иһин" уордьан кавалера Бурцев Васи...
🏓Муус устар 11 күнүгэр полиция капитана, "Хорсунун иһин" уордьан кавалера Бурцев Василий Васильевич сырдык кэриэһигэр остуол тиэнниһигэр биирдиилээн бастыыр иһин күрэх Хонууга ыытылынна. Күрэхтэһиигэ барыта 20-тэн тахса улахан дьон тиэннис мээчигин өрө тэйиттилэр. Эр дьоҥҥо тыҥааһыннаах оонньуулары ааһан аан бастакытын чемпион аатын 🏆Слепцов Айтал ылла уонна Бурцев В. В. биир идэлээхтэрэ туруорбут сыаналаах бириистэрин ИДьМ Муоматааҕы отделениятын начальнигыттан тутта. Иккискэ 🥈МНО оскуолатын учуутала Слепцов Кирилл, үһүскэ 🥉 ППЧ-1 этэрээтин хамандыыра Гурьев Иван таҕыстылар уонна эмиэ сыаналаах бирииһинэн наҕараадаланнылар. Дьахталларга МОО учуутала 🏆Тогмитова Алена бастакы, оройуоннааҕы ЕДДС сүрүннүүр үлэһитэ 🥈 Слепцова Олеся иккис, үһүскэ МНО үлэһитэ 🥉Маныкина Антонина таҕыстылар. 🎗️Сүрүн күрэх кэннэ эр дьоҥҥо 8 оонньооччу, дьахталларга 4 оонньооччу муҥутуур кыайыылааҕын быһаарыстылар. Эр дьон оонньууларыгар Слепцов Кирилл бастаата уонна Василий Бурцев кэргэнэ туруорбут сүрүн бирииһин, телевизоры, ылла. Дьахталларга утарылаһааччыларын эрэллээхтик кыайан МОО физкультураҕа учуутала Тогмитова Алена бастаата уонна эмиэ Бурцев В. В. аймахтара туруорбут сыаналаах бириистэрин, аэрогриль, ылла. 🏵️Күрэх кэмигэр полиция сотрудниктарын ортолоругар турнир ыытылынна. Сүрүн бирииһи Иванов Василий ылла, иккискэ Давыдов Николай, үһүскэ Дягилева Виктория таҕыстылар. 9-с төгүлүн ыытыллыбыт остуол тиэнниһин күрэҕин тэрийээччилэргэ ИДьМ Муоматааҕы отделениятын састаабыгар (начальник, полиция подполковнига Рожин С.С), Бурцев В.В. кэргэнигэр Сергеева Айталыга, аймахтарыгар, табаарыстарыгар барҕа махталбытын тиэрдэбит🙌🏻. ✍🏼Александр Слепцов @indigir_uottara