Кулун тутар 27 күнүгэр Тыараһаҕа *Өрөспүүбүлүкэ агрооскуолаларын спартакиадата* булан а...
Кулун тутар 27 күнүгэр Тыараһаҕа *Өрөспүүбүлүкэ агрооскуолаларын спартакиадата* булан ааста. Күрэхтэһээччилэри аан айаҕаттын арыылаах алаадьынан, саламаатынан айах тутан көрүстүлэр. Киһи сүргэтин көтөхтүлэр. Күрэс үөрүүлээх аһыллыытыгар хамаандалар парадтаатылар, эҕэрдэлэр этилиннилэр, Тыараһа оскуолатын үлэһиттэрэ уонна үөрэнээччилэрэ эҕэрдэ нүөмэрдэрин көрдөрдүлэр. Спартакиадаҕа 14 оскуола 7 улуустан хамаандалар, 6 көрүҥҥэ - буулдьанан ытыыга, остуол оонньууларыгар (хабылык, хаамыска), дартска, Саха ЕМБЛ, настольнай теннискэ, канат тардыытыгар күөн көрүстүлэр. Таатта улууһун агрооскуолалара быыстапка туруоран көрдөрдүлэр, "Талахха уруһуй", "Мастерская харысхал", "Оҕуруо абылаҥа", "Өрүс балыгыттан бүлүүдэлэр", "От идеи до кода: создание образовательных проектов" маастар-кылаастары ыыттылар. Биһиги оскуолаттан *Малышев Порфирий Порфирьевич* 🏆🥇 дартска чемпионнаата уонна *Павлова Клавдия Анатольевналыын* хамаанданан 3🥉 миэстэҕэ тахсан мэтээлинэн, дипдомунан наҕараадаланнылар. Саха ЕМБЛ көрүҥҥэ *Павлова Елена Валерьевна* 🥈2 миэстэ буолла. Көрүҥнэринэн биһиги оскуолаттан ситиһиилээхтик кыттыбыт биир идэлээхтэрбитигэр махтанабыт уонна өссө да актыыбынайдык атын тэрээһиннэргэ кыттан оскуолабытын ааттата турарбытыгар баҕарабын 👏🏻👏🏻👏🏻