Учуутал оруолугар — оҕолор
Учуутал оруолугар — оҕолор Учуутал күнүн көрсө биһиги оскуолабытыгар үгэс буолбут бэйэни салайыныы күнүгэр үрдүкү кылаас үөрэнээччилэрэ учуутал буола сатаан холоннулар. Бу күн кинилэр бэйэлэрин саҥа оруолга боруобалаан, уруок ыытыытын уустуктарын уонна эппиэтинэһин чуолкай уонна чугастык өйдөөтүлэр. Үрдүкү кылаастар кыра кылаас оҕолоругар араас интэриэһинэй уруоктары ыыттылар. Кинилэр тиэмэлэри эрдэттэн бэлэмнэнэн, оҕолорго өйдөнүмтүө гына кэпсээри күүскэ кыһаллыбыттара көһүннэ. Кыралар саҥа «учууталларын» олус истээччи уонна көхтөөх буолан биэрдилэр. Уруоктар кэннилэриттэн оҕолор санааларын үллэһиннилэр. Кинилэр учуутал үлэтэ төһө да ыараханын иһин, олус интэриэһинэй уонна туһалаах идэ буоларын бэлиэтээтилэр. Сорох үөрэнээччилэр кэлэр өттүгэр олохторун педагогикалыын сибээстииргэ соруммуттарын да биллэрдилэр. Бу күн барыбытыгар ураты өйдөбүнньүк уонна саҥа уопут буолла.