Учуутал күнүгэр аналлаах үөрүүлээх биэчэр
Учуутал күнүгэр аналлаах үөрүүлээх биэчэр Бэҕэһээ сырдык, сылаас эйгэлээх Учуутал күнүн көрсө, оскуолабыт оҕолоро тапталлаах учууталларыгар анаан үөрүүлээх иһирэх биэчэри тэрийэн ыыттылар. Тэрээһин үрдүк таһымнаахтык уонна олус көхтөөхтүк ааста. Оҕолор бэйэлэрин күүстэринэн араас интэриэһинэй нүөмэрдэри бэлэмнээн көрдөрдүлэр: уйан ырыалары ыллаатылар, чаҕылхай үҥкүүлүүр талааннарын арыйдылар уонна учууталлар уустук, ол эрээри бочуоттаах үлэһит күннээҕи олоҕун туһунан оонньуулары оонньоттулар. Учууталларбыт бу күн үөрүү-көтүү аргыстаах, махтал сылаас тылларынан уонна оҕолор истиҥ сыһыаннарынан угуттанан, олус астынан, дуоһуйан тарҕастылар. Кинилэр иитэр-үөрэтэр оҕолорун бу курдук бэйэни салайыныы үрдүк таһымын көрдөрбүттэрин уонна истиҥ сыһыаннарын иһин ис сүрэхтэн махталларын биллэрдилэр.