🔰 ТААТТА БЭЛИЭ КҮНЭ
🔰 ТААТТА БЭЛИЭ КҮНЭ _Тохсунньу 6 күнэ_ Саха норуодунай суруйааччыта, тылбаасчыт, драматург, Саха АССР искусствотын үтүөлээх диэйэтэлэ, П.А. Ойуунускай аатынан Саха Республикатын Государственнай бириэмийэтин лауреата, икки Үлэ Кыһыл Знамята, Норуоттар доҕордоһуулара, икки "Бочуот Знага" уордьаннар кавалердара, Таатта улууһун бочуоттаах гражданина *Николай Егорович Мординов-Амма Аччыгыйа* төрөөбүтэ 120 сыла (1906-1994). ◻️ Чычымах оскуолатын, Дьокуускайдааҕы педтехникуму, Москватааҕы Иккис государственнай университет тылга уонна литератураҕа салаатын бүтэрбитэ. ◻️ Саха сиринээҕи кинигэ издательствотыгар редакторынан, Дьокуускайдааҕы педучилищеҕа преподавателинэн, "Бэлэм буол", "Юность Севера" хаһыаттар редакцияларыгар үлэлээбитэ. ◻️ Сүүрбэттэн тахса сыл Саха сирин суруйааччыларын Сойууһун салайааччытын солбуйааччынан үлэлээбитэ. 1934 с. ССРС суруйааччыларын маҥнайгы съеһигэр П.А. Ойуунускайдыын делегат быһыытынан кыттыбыта. ◻️ 1927 с. "Ийэ" диэн бастакы хоһооно, 1934 с. "Быһах угун кыстыммат" кэпсээннэрин хомуурунньуга, 1944 с. "Сааскы кэм" романа бэчээттэммиттэрэ. ◻️ М. Лермонтов "Герой нашего времени", Л. Толстой "Анна Каренина", "Воскресение", "Война и мир", В. Шиллер "Коварство и любовь", М. Шолохов "Наука ненависти", "Тихий Дон" уо.д.а. айымньылары тылбаастаабыта. ◻️ 1955 с. РСФСР Үрдүкү Сэбиэтин депутатынан, 1966 с. ССРС Үрдүкү Сэбиэтин депутатынан талыллыбыта. ◻️ Кини аатын Таатта улууһун Харбалаах орто оскуолата, уулуссалар сүгэллэр. Харбалаахха ини-бии Мординовтар музей-дьиэлэрэ үлэлиир. 📝 Ытык Күөл киин библиотеката