«Тиһэх чуораанынан»! Күндү үөрэнээччилэр, төрөппүттэр уонна оскуола үлэһиттэрэ! Бүгүн д...
«Тиһэх чуораанынан»! Күндү үөрэнээччилэр, төрөппүттэр уонна оскуола үлэһиттэрэ! Бүгүн дойду үрдүнэн – биир кэлим «Тиһэх чуораан» күнэ. 9-с уонна 11-с кылааһы бүтэрээччилэргэ уонна кинилэр төрөппүттэригэр, кылаас салайааччыларыгар ордук долгутуулаах түгэн үүннэ. Эһигини улахан суолталаах түгэн – судаарыстыбаннай эксээмэннэри туттарыы уонна инники идэҕитин талыы күүтэр. Аҕыйах сылынан төрөөбүт дойдубут салгыы сайдарыгар эппиэтинэс ылынан үлэлиэххит-хамсыаххыт. Эрчимҥит, дьулуургут уонна хорсун санааҕыт эһиги ханнык даҕаны ыарахаттары туоруургутугар көмөлөөх буолуоҕа диэн эрэнэбит. Оскуолаҕа ылбыт билиигитин таһынан идэҕэ билиини уонна үөрүйэҕи баһылааҥҥыт, бэйэҕит былааҥҥытын уонна соруккутун толороргутугар туһаныаххыт. Эһиги тускутугар кыһаллыбыт, сүрэхтэрин-дууһаларын сылааһыттан бэрсибит төрөппүттэргитигэр уонна оскуолаҕа үөрэппит-такайбыт учууталларгытыгар мэлдьи махталлаах буолуҥ. Бүгүн кинилэр эһигини улаханнык эрэнэ көрөллөр, бэйэҕит кыаххытын таба туһанан олоххо элбэҕи ситиһиэхтэрэ диэн эрэнэллэр. Күндү оҕолор! Эһиэхэ эксээмэни ситиһиилээхтик туттаран, үөрэхтээх-үлэһит дьон буола улаатан тахсаргытыгар, барыта этэҥҥэ буоларыгар баҕарабыт. Эһиги иннигитигэр суол мэлдьи аһаҕас, олоххо бэйэҕит миэстэҕитин бигэтик булунан, үөрэхтээх-идэлээх дьон буолан олоххут уйгутун уһанар, дойду күүһэ-кыаҕа улаатарыгар бэйэ кылаатын киллэрэр дьон буола улаатыҥ.