МБОО Туора-Кюельская СОШ имени Ивана Николаевича Гуляева
Образование · 23 мая 2026 г.
Ыам ыйын 20 күнүгэр Иван Николаевич Гуляев аатынан Туора-Күөл орто оскуолатыгар үөрэх с... — 23 мая 2026 г. в 23:43:37.049
Ыам ыйын 20 күнүгэр Иван Николаевич Гуляев аатынан Туора-Күөл орто оскуолатыгар үөрэх сылын түмүктүүр "Школа. Семья. Безопасность" диэн темалаах төрөппүт форума буолан ааста. Уопсайа 39 төрөппүт кыттыыны ыллылар. Манна Ытык-Күөлтэн ГИБДД инспектора Оросин Анатолий Анатольевич уонна полиция сотруднига Захарова Иоланда Титовна "Безопасность детей-зона нашей ответственности" диэн темаҕа профилактическай бэсиэдэ оҥордулар. Бу саамай наадалаах уонна туһалаах боппуруостар таарыллыбыттара олус учугэй. Төрөппүттэргэ өйдөнүмтүө гына кэпсээн, чахчы буолбут түбэлтэлэри видеонан көрдөрөн, киһи бэйэтин доруобуйатын туһугар кыһаллыахтааҕын, оҕону харыстаан,төрөппүт эппиэтинэстээх буолуохтааҕын өйдөттүлэр. Ол кэннэ төрөппүттэри түөрт бөлөххө арааран деловой оонньуу ыыттылар, төрөппүттэр бэриллибит ситуациялары оонньоон көрдөрдүлэр,араас ситуацияттан хайдах тахсары ырытыы, кэпсэтии буолла. Эһиилги үөрэх сылыгар Хаптагаева О.И. учебнай былааҥҥа социальнай заказ хомуйда. Ол кэннэ информатика учуутала Лопатин В.В. "Искусственный интеллект: мифы и реальность" диэн темалаах мастер - кылаас ыытта. Дьэ уонна форуммутун Гараж-сейл атыы-тутуу түмүктээтэ. Бары кэлбит төрөппүттэр форумҥа көхтөөхтүк кыттан, астынан, дуоһуйан бардылар.