АТЫРДЬАХ ЫЙЫНААҔЫ ҮӨРЭХ ҮЛЭҺИТТЭРИН МУННЬАҔАР - ТААТТАЛАР — 21 августа 2026 г. в 22:44:54.051
АТЫРДЬАХ ЫЙЫНААҔЫ ҮӨРЭХ ҮЛЭҺИТТЭРИН МУННЬАҔАР - ТААТТАЛАР 🔖Үгэскэ кубулуйбут үөрэх үлэһиттэрин атырдьах ыйынааҕы мунньаҕар Тааттаттан улуус баһылыгын социальнай боппуруостарга солбуйааччы Никифор Жерготов, үөрэх управлениетын начальнига Иннокентий Дягилев, оскуола директордара, учууталлара – барыта 32 киһи буолан кыттыыны ыллылар. Пленарнай чааска сүрүн болҕомтону оҕолор уонна педагогтар доруобуйаларыгар, көмүскэллээх буолууларыгар туһаайдылар. Мунньах кыттыылаахтара бары өттүнэн табыгастаах үөрэх эйгэтин тэрийии, эт-хаан уонна өй-санаа өттүнэн чөл буолуу, үөрэх тосхоллоругар оҥоһуу өйү туһаныыга болҕомтолорун туһаайдылар. Таатта улууһун Чычымах орто оскуолатын биология учуутала Дария Иванова СӨ үөрэҕириитин министирэ Нюргуна Соколоваттан “Саха Өрөспүүбүлүкэтин үтүөлээх учуутала” диэн үрдүкү наҕарааданы тутта. Дария Егоровна үөрэнээччитинээн “Арассыыйа уута” эко-акцияҕа кыттыыны ыллылар. 2025 сыллаахха Дария Егоровна салайааччылаах «Талба» хамаандата Бүтүн Арассыыйатааҕы «Общий сбор» күрэххэ абсолютнай чемпионунан буолбута. Кинилэр Амма кытылын ыраастаан, 12 туонна бөҕү-саҕы хомуйан, Арассыыйа үрдүнэн бастыҥнарынан ааттаммыттара. Бу хорсун быһыы Бүтүн Арассыыйатааҕы акция Саха сиригэр кэлэригэр сүрүн төһүү күүс буолла. Мунньах чэрчитинэн ыытыллыбыт оҕо сайыҥҥы сынньалаҥын тэрийээччилэригэр туһуламмыт “Саха Лето” диэн фестиваль быыстапка-куонкуруһугар Тааттаттан Уолба, Туора-Күөл, Чымынаайы оскуолалара ситиһиилээхтик кытыннылар. Ол курдук, В.И.Ленин аатынан Уолба орто оскуолатын “Ай-талаан” лааҕыра 2 үрдэл, И.Н.Гуляев аатынан Туора-Күөл орто оскуолатын “Ача” лааҕыра 3 үрдэл дипломунан наҕараадаланнылар. @taattagazeta @ulusmedia