Ыам ыйын 22 күнэ - саха дьоно-сэргэтэ сайын кэлиитин бэлиэтиир күнэ. Бу күӈӈэ биһиги ос... — 23 мая 2026 г. в 14:58:55.967
Ыам ыйын 22 күнэ - саха дьоно-сэргэтэ сайын кэлиитин бэлиэтиир күнэ. Бу күӈӈэ биһиги оскуолабыт тиэргэнигэр оҕо аймах ыһыаҕа ыһылынна. Абаҕа нэһилиэгин үөрэҕин тэрилтэлэрин ыһыаҕа аан-бастаан 2019 сыллаахха ыытыллыбыта. Ол үтүө үгэс салҕанан, Абаҕа орто оскуолата уонна "Кырачаан" оҕо уһуйаана кыттыгас ыһыахтара оҕо аймах үөрүүтүнэн доҕуһуолланан, дьиӈ сайыӈӈы куйаас күн ааста. "Сахам далбар сандалыта" көрүү тэрээһинигэр ас-үөл дэлэччи тардылынна. Уһуйаан иитиллээччилэрэ уонӈа алын сүһүөх кылаастар оҕолоро мас аттарын сүүрдэн, көрөөччүлэр болҕомтолорун тартылар. Үрдүкү кылаас уолаттара "Үрүӈ Уолан" үрдүк аатын ылар иһин өбүгэ оонньууларын үс көрүӈэр күөн көрүстүлэр, күрэс былдьастылар. Уһуйаан, оскуола уһун суһуохтаах кэрэчээнэлэрэ "Толбоннурар уһун суһуох" күрэскэ кыттан, көрөөччүлэр биһирэбиллэрин ыллылар. Маны сэргэ өбүгэ араас оонньуутугар оҕо аймах үөрэ-көтө кытынна.