Бэҕэһээ, муус устар 21 күнүгэр, А. Г. Кудрин-Абаҕыыныскай аатынан Абаҕа орто оскуолаты... — 22 апреля 2026 г. в 12:46:13.814
Бэҕэһээ, муус устар 21 күнүгэр, А. Г. Кудрин-Абаҕыыныскай аатынан Абаҕа орто оскуолатыгар нэһилиэкпит ытык-мааны олохтоохторо Мария Гаврильевна Захарова, Раиса Егоровна Осипова ыалдьыттаатылар. Ыалдьыттарбыт илии тутуурдаах дьон буолан биэрдилэр. Ол курдук, "Чиргэл" түмсүү аатыттан уран оӈоһуктарын - Аҕа Дойдуну көмүскүүр Улуу сэрии сылларыгар анаммыт икки паннону оскуола музейыгар бэлэх ууннулар. Көрсүһүүгэ сылдьыбыт оҕолор бу панноларга эһэлэрин, эбэлэрин көрөн, үөрдүлэр, долгуйдулар, уран уустар оӈоһуктарыттан олус сөхтүлэр. Мантан ыла бу "Кыайыы көтөллөөх эргилинним Абаҕабар" уонна "Көлүөнэттэн көлүөнэҕэ күргүөмнээх үлэ дьон сүрэҕэр" паннолар Абаҕа орто оскуолатын музейыгар үйэ-саас тухары хараллан, нэһилиэкпит историятын кэрэһэлии, уран тарбахтаах уустарбыт үлэлэрин дьон-сэргэ сөҕө-махтайа көрө сылдьыахтара. "Чиргэл" түмсүүгэ, чуолаан Мария Гаврильевнаҕа, Раиса Егоровнаҕа тус бэйэлэригэр барҕа махталбытын кытта чэгиэн туругу, үгүс үтүө түгэни, көлүөнэлэри ситимниир үтүө холобур буола туралларыгар баҕа санаабытын тиэрдэбит.