Үөрүүлээх сонун: Оскуолабытыҥар саҥа оптуобус! 🚌
Үөрүүлээх сонун: Оскуолабытыҥар саҥа оптуобус! 🚌 Бүгүн оскуолабыт тиэргэнигэр олус үөрүүлээх уонна долгутуулаах бэлиэ түгэн буолла — үөрэнээччилэри таһар саҥа автобус кэллэ 👧🏻🧒🏻😍 Сахалыы сиэринэн-туомунан, саҥа көлөнү суола көнө, айана этэҥҥэ буоллун диэн ветеран учуутал Екатерина Слепцова алҕаата, сиэллээх кылынан буруолатта. Үөрэх завуһа Любовь Черемкина бэлиэтээбитинэн, саҥа көлө үөрэх хаачыстыбатын үрдэтиигэ улахан хардыы буоларын, улуустааҕы күрэхтэһиилэргэ, экскурсияларга сылдьар кыахтара кэҥээбитин бэлиэтээтэ. Өйөбүл оҥорбут бары үлэһиттэргэ, салалтаҕа махталын тириэртэ. Саҥа көлөнү ыраахтан аҕалбыт Илья Бережнов дьиэ кэргэнигэр, суоппарбытыгар Христофор Слепцовка оскуола салалтатын аатыттан Махтал сурук туттардылар 👍🏻👏🏻 Саҥа оптуобуһунан алын кылаас оҕолорун хатааһылаттылар. Бастакы айан оҕолорго умнуллубат үөрүүнү бэлэхтээтэ. Көлөбүт суола мэлдьи аһаҕас буоллун!😊🚌✨ Анна Чиркова, Абый орто оскуолата. @hotugukyym