Оскуолабытыгар — куукула тыйаатырын сырдык абылаҥа — 27 марта 2026 г. в 09:48:00.638
Оскуолабытыгар — куукула тыйаатырын сырдык абылаҥа Аан дойдутааҕы тыйаатыр күнүнэн э5эрдэлиибит! Биһиги оскуолабытыгар дьикти, долгутуулаах түгэн буолан ааспыта. Оскуолабыт саалатын иһэ биир күҥҥэ дьиҥнээх остуоруйа дойдутугар кубулуйда — манна биһиги бэйэбит «Куукула тыйаатырбыт» арылынна! Тыйаатыр — бу дьикти эйгэ. Оттон куукула тыйаатыра — ол ордук ураты, оҕо аймахха саамай чугас, саамай истиҥ уонна абылаҥнаах көрүҥ. Тыйаатыр саҕаланыаҕыттан саала иһэ оҕо күлүүтэ, үөрүүтэ туолла. Оҕолор бэйэлэрэ оҥорбут куукулалара, хас биирдиилэрэ бэйэтин ураты майгылаах, кыраһыабай таҥастаах, дьикти дорҕоонноох саҥалаах, саалаҕа олорор көрөөччүлэри соһуттулар. Сцена үрдүгэр буолбут остуоруйа тылбааһа, куукулалар хамсаныылара, оҕолорбут куоластара — барыта биир тыынынан буолбута. Оҕолор куукулалары ыытан, кинилэр нөҥүө бэйэлэрин ис кыахтарын, артыыстыы дьоҕурдарын арыйдылар. Хас биирдии куукула оҥоһуута — бу туспа үлэ, туспа күүс уонна дьоҕур. Оҕолор куукула тыйаатырын нөҥүө үтүөҕэ, кэрэҕэ, дьоҥҥо-сэргэҕэ истиҥ сыһыаннаах буоларга үөрэммит курдуктар. Бу күнү ааспыт куукула тыйаатыра биһиги оскуолабытыгар умнуллубат түгэни бэлэхтээтэ. Көрөөччүлэр да, кыттааччылар да — бары биир дьоллоох мичилийиинэн, үтүө санаанан хаахтаннылар. Тыйаатыр — бу биһиги олохпутугар үтүөнү, сырдыгы, кэрэни эрэ аҕалар. Бу курдук сэргэх тэрээһиннэр оскуола олоҕун киэргэтэллэр, оҕолору түмэллэр уонна саҥаны айар баҕаны күүһүрдэллэр. Кэлэр кэмҥэ биһиги "Куукула тыйаатырбыт" өссө кэҥээн, саҥа остуоруйалары, саҥа куукулалары көрөөччүлэригэр бэлэхтиэ диэн эрэнэбит. Тыйаатыр күнүнэн, ытыктабыллаах куукула тыйаатырын сөбүлээччилэр! #ВМиреТеатра #НавигаторыДетства #Росдцентр #ДвижениеПервых