МБОУ "Аллагинская СОШ имени П.В. и С.В. Кырбасовых"
Образование · 26 марта 2026 г.
Кулун тутар 26 күнүгэр IV Өрөспүүбүлүкэтээҕи төрөппүт сугулаана үрдүк таһымҥа ыытылынна. — 26 марта 2026 г. в 14:50:32.776
Кулун тутар 26 күнүгэр IV Өрөспүүбүлүкэтээҕи төрөппүт сугулаана үрдүк таһымҥа ыытылынна. Манна биһиги оскуолабытыттан саха тылын учуутала Уарова Л.П., социальнай педагог Алексеева Л.М. уонна көхтөөх төрөппүттэрбит - Надежда Станиславовна уонна Августина Афанасьевна кыттыыны ыллылар. Надежда Станиславовна, төрөппүт быһыытынан, "Сахалыы эйгэни тэрийии" диэн бэйэтин уопутун дьоҥҥо кэпсээтэ. Дьон олус сэргээтилэр, "Төрөппүттэр бары Аллыҥа төрөппүттэрин курдуктара эбитэ буоллар", "Наһаа да үчүгэйдик үлэлиир эбит", "Олус сэргэх тэрээһиннэри ыытар эбит", "Аллыҥаҕа көһөн тахсыахпын баҕардым", диэн хайҕаатылар. Маны таһынан, "Күн" оҕо түмсүүтүн кытары биһиги оскуолабыт үөрэнээччилэрэ Яковлев Айылаан, Николаева Нелли, Федоров Мичил, Тихонов Федя көрүстүлэр.