13.05.2026 — 13 мая 2026 г. в 09:01:24.087
13.05.2026 «Ким да умнуллубат, туох да умнуллубат!»: Оскуолабытыгар хордар күрэхтэрэ буолан ааста Ыам ыйын 13 күнүгэр оскуолабытыгар Улуу Кыайыы 81 сылыгар аналлаах 6-8 кылаастар икки ардыларынан сылын ахсын ыытыллар «Хордар күрэхтэрэ» (Битва хоров) үрдүк таһымнаахтык буолан ааста. Биһиги бу күн уоттаах сэрии толоонугар охтубут дьоммутун, тыыл ветераннарын, сэрии тулаайахтарын кэриэстээн, кинилэр хорсун быһыыларыгар сүгүрүйэн туран ырыабытын анаатыбыт. Күрэх дьүүллүүр сүбэтинэн үлэлээтилэр: 1. Валентина Васильевна Сазонова — дириэктэри иитэр үлэҕэ солбуйааччы; 2. Лидия Петровна Диодорова-Ил Эйэ — элбэх ырыа автора, хоһоонньут; 3. Надежда Николаевна Артемьева — «Ымыы» оҕо сайдар кииниттэн уһуйааччы, музыкальнай салайааччы, сыана Ветерана. Күрэх балаһыанньатынан хас биирдии кэлэктиип үс ырыаны толордо: Чурапчы гимна, патриотическай ырыа уонна көҥүл тиэмэҕэ ырыа. Оҕолор бэйэ-бэйэлэрин өйөһөн, биир сомоҕо буолан, Кыайыы ырыаларын дуораччы ыллаатылар. Күрэх түмүгэ маннык буолла: 🏆 Кыайыылаах (Абсолютный победитель) — 8 кылаас (кылаас салайааччыта Альбина Егоровна Эрматова); 🥇 1 миэстэ — 7 кылаас (кылаас салайааччыта Парасковья Романовна Протодьяконова); 🥈 2 миэстэ — 6 кылаас (кылаас салайааччыта Саргылаана Федотовна Абрамова). Улуу Кыайыы аатын үйэтитэр тэрээһин кыттыылаахтарыгар, кылаас салайааччыларыгар барҕа махтал!