МБОУ "Ары-Толонская основная общеобразовательная школа имени А.С. Сыромятниковой"
Образование · 20 февраля 2026 г.
Олунньу 19 күнүгэр Герой Сэбиэскэй Сойуус Геройа Федор Матвеевич Охлопков аатынан Кириэ... — 20 февраля 2026 г. в 06:28:33.073
Олунньу 19 күнүгэр Герой Сэбиэскэй Сойуус Геройа Федор Матвеевич Охлопков аатынан Кириэс-Халдьаайы орто оскуолатыгар судаарыстыбаннай уонна бэлитииическэй диэйэтэл Васильев Степан Васильевич төрөөбүтэ 130 сылыгар аналлаах VI-c өрөспүүбүлүкэтээҕи «Басхан-2026» дьыалабыай оонньуу муниципальнай түһүмэҕэ ыытыллынна. Күрэх сүрүн сыала-соруга - уол оҕону сахалыы сиэр-майгы, өй-санаа өттүнэн сайыннарыы, киэҥ эйгэҕэ таһаарыы, билиһиннэрии, уопсастыбаҕа уол оҕо оруолун үрдэтии, түмэр-салайар дьоҕурун үүннэрии, бэйэ-бэйэлэригэр истиҥ доҕордуу сыһыаны үөскэтии, төрөөбүт дойдуга үтүө сыһыаҥҥа, тапталга иитии буолар. Тэрээһиҥҥэ барыта уон басхан «Удьуор утума», «Дойду салайааччылара мин тус бэйэр көрүүбүнэн», «Өркөн өй», дебат, «Айыы умсулҕана» түһүмэхтэринэн тургутууну ааһан ситиһиилээхтик кытыннылар. Дьүүллүүр Сүбэҕэ Винокурова Е.К., үөрэҕирии салалтатын иитэр үлэҕэ уонна эбии үөрэхтээһиҥҥэ салаа салайааччыта, Павлов А.А., оройуон Сэбиэтин депутата, Мярин А.Х., Саһыл орто оскуолатын Аҕа Сүбэтин чилиэнэ, Рафаилов А.С., Байаҕантай нэһилиэгин баһылыгын солбуйааччы үлэлээтилэр. Дьыалабыай оонньуу түмүгүнэн хас биирдии басхаҥҥа анал аат иҥэрилиннэ. Ол курдук биhиги оскуолабытыттан икки үөрэнээччи кыттан маннык анал ааты ыллылар: «Кыайыыга дьулуур» — Баланов Саян (8 кылаас) «Кэскиллээх кыттааччы» — Степанов Власий (8 кылаас) Маладьыастар! Ессе да үрдүк ситиhиилэри!👏🏻👍