Госдуума депутаттарын талар быыбар буолара бэрт аҕыйах күн хаалла. Мин санаабар, бу быы...
Госдуума депутаттарын талар быыбар буолара бэрт аҕыйах күн хаалла. Мин санаабар, бу быыбарга улаханнык хайдыспакка, дойдуну баччааҥҥа диэри иилээн-саҕалаан кэлбит партиябытын өйүүрбүт саамай сөптөөх быһаарыныы буолуо. “Биир Ньыгыл Арассыыйа” политическай партия дойду сайдарыгар ыытар тиһиктээх үлэлэрэ үтүө түмүктэри номнуо көрдөрдүлэр диэн сыаналыыбын. Ол ордук партия дойду, нэһилиэнньэ олоҕо тупсарыгар ыытар национальнай бырайыактарыгар көстөр. Бэйэм үлэм эйгэтин – үөрэҕириини да ылан көрүөххэ. Федеральнай бырайыактар аҥаардастыы киэҥ сир оскуолаларын тутуунан, өрөмүөннээһининэн үлүһүйбэккэ, тыа сиригэр эмиэ улахан болҕомто ууруллара үөрдэр. Элбэхтэн биири холобурдаатахха, Сунтаардааҕы 1 №-дээх оскуоланы салайан үлэлэтэр кэммэр, оскуола базата тупсарыгар бу маннык федеральнай таһымнаах бырайыактарынан бэрт элбэх үлэ ыытыллыбыта. Былырыын “Үөрэх систиэмэтин модернизациялааһын” федеральнай программанан оскуолабытыгар хапытаалынай өрөмүөн ыытыллан оскуолабыт аныгы кэм оскуолатын бары ирдэбилигэр толору эппиэттиир гына тупсарыллыбыта. Бу курдук оҕону иитиигэ-үөрэтиигэ табыгастаах эйгэни тэрийии, манна күүстээх болҕомтону ууруу “Биир Ньыгыл Арассыыйа” партия народнай программатыгар биир дьоһун миэстэни ылар. Инньэ диэн туран, *Ытыктабыллаах Сунтаарым нэһилиэгин олохтоохторун, оскуолам кэлэктиибин* бу маннык инникини түстүүр соруктаах, үлэтин түмүктэрин дьиҥ дьыалаҕа көрдөрбүт “Биир Ньыгыл Арассыыйа” партияны бу буолар быыбарга өйүөххэ диэн ыҥырабын. *А.П. Павлов аатынан Сунтаар 1 №-дээх оскуолатыгар өр кэмҥэ директорынан үлэлээбит Афанасий Спиридонович Матвеев, РФ уопсай үөрэхтээһинин бочуоттаах үлэһитэ, СӨ үөрэҕириитин үтүөлээх үлэһитэ, СӨ норуотун үөрэҕириитин туйгуна, СӨ үөрэҕирии систиэмэтин бочуоттаах бэтэрээнэ, Учууталлар учууталлара, Сунтаар улууһун бочуоттаах олохтооҕо.*