*УЛУУС БАҺЫЛЫГА ВАЛЕРИЙ НИКОЛАЕВ КӨҔҮЛЭЭҺИНИНЭН ҮӨҺЭЭ БҮЛҮҮГЭ ПЕДАГОГИЧЕСКАЙ КОЛЛЕДЖ СА... — 26 января 2026 г. в 06:25:31.555
*УЛУУС БАҺЫЛЫГА ВАЛЕРИЙ НИКОЛАЕВ КӨҔҮЛЭЭҺИНИНЭН ҮӨҺЭЭ БҮЛҮҮГЭ ПЕДАГОГИЧЕСКАЙ КОЛЛЕДЖ САЛААТА АРЫЛЛАР БУОЛЛА!*👏👏👏 2026/2027 үөрэх сылыттан Үөһээ Бүлүүтээҕи 2-с нүөмэрдээх орто оскуола базатыгар, С.Ф. Гоголев аатынан Дьокуускайдааҕы республиканскай педагогическай колледж салаата үлэтин саҕалыаҕа! Бу олус кэрэхсэбиллээх, күүтүүлээх сонун. Инникитин улууспут оҕолоро төрөөбүт дойдуларыгар, чугас дьонноруттан ырааппакка эрэ, эрэллээх уонна наадалаах икки идэни баһылыахтара: "Основы безопасности защиты родины" уонна алын сүһүөх кылаас учууталларын. Педагогическай колледж салаатын улууспутугар арыйыы - оскуолаларга педагогическай каадыр тиийбэт кыһалҕатын быһаарарга анаммыт хардыы буолар. Бүгүн, тохсунньу 22 күнүгэр, Дьокуускай куоракка ыытыллар "Тохсунньу ыйдааҕы үөрэҕэрии мунньаҕын" кэмигэр үс өрүттээх Сөбүлэҥ үөрүүлээх быһыыга-майгыга баттанна. Докумуоҥҥа Улууспут баһылыга Валерий Николаев, Дьокуускайдааҕы Педагогическай колледж директора Изольда Николаева уонна Үөһээ Бүлүү 2-с нүөмэрдээх оскуолатын директора Васмар Руфов бэйэлэрин илиилэрин баттаатылар. Сонун түгэн Үөһээ Бүлүү улууһун үөрэҕириитин ситимин 150 сыллаах үбүлүөйдээх сылыгар чаҕылхай саҕалааһын буолар! Үөрэхпит сайдан, кэскилбит кэҥээн истин! *Үөһээ Бүлүм улууһун дьаһалтатын пресс сулууспата* #Образование150 #ВерхневилюйскийУлус T.me/admvervil