Үөһээ Бүлүү улууһун үөрэҕин салалтатын, педагогическай общественноһын аатыттан улууспут... — 1 января 2026 г. в 02:19:27.894
Үөһээ Бүлүү улууһун үөрэҕин салалтатын, педагогическай общественноһын аатыттан улууспут бары олохтоохторун, үөрэҕин тэрилтэлэрин бары үлэһиттэрин, ытыктабыллаах бэтэрээннэрбитин кэлбит саргылаах 2026 сылынан, РФ сомоҕолоһуу сылынан, Сахабыт сиригэр биллэриллибит култуура, улууска үөрэҕирии сылынан бука барыгытын истиҥник эҕэрдэлиибин! Ааспыт сыл улууспутугар, чуолаан үөрэхтээһиҥҥэ умнуллубат кэрэ түгэннэрдээх ураты сыл буолла. Улуу Кыайыы 80 сылын, улууспут тэриллибитэ 90 сылларыгар, улуус үөрэҕин тэрилтэлэрэ хаһааҥҥытааҕар да өрө күүрүүлээхтик үлэлээн, үрдүк кирбиилэри ситистилэр. Кэлэн иһэр элбэҕи эрэннэрэр 2026 сыл дойдубут олохтоохторугар, бары үлэлээн иитиллээччилэригэр саамай үрдүк соруктары туруорда. Хас биирдиибит сомоҕолоһуу, түмсүүлээх буолуу суолтатын дириҥник өйдөөн, модун Россиябыт, саргылаах Сахабыт Сирэ, төрүт сирбит Үөһээ Бүлүүбүт чэчирии сайдарын, хас биирдии ыал олоҕун уйгута, инники кэскилэ- күүстээх, дьаныардаах үлэттэн кэлэрин бигэтик өйдөөн, манна хамсатар күүс - үөрэх, билии буоларыгар бигэ эрэнэн, кэлэр 2026 сылга дьоллоох - соргулаах, байылыат олохтоох буолуоҕуҥ, ситиһии үрдүк чыпчаалын бииргэ дабайыаҕыҥ! Үөһээ Бүлүү улууһун үөрэҕин салалтатын начальнига, Юрий Васильевич Кынатов.