🔹 Ыам ыйын 8 күнэ – Баатаҕай дьонугар-сэргэтигэр дириҥ суолталаах бэлиэ күн. Бу күн 19... — 8 мая 2026 г. в 08:45:19.953
🔹 Ыам ыйын 8 күнэ – Баатаҕай дьонугар-сэргэтигэр дириҥ суолталаах бэлиэ күн. Бу күн 1924 с. Араҥастаах алааска Ньукууска – Николай Тарскай күн сирин көрбүтэ. Бэлиэ күҥҥэ биир дойдулаахтара кини үтүө аатыгар сүгүрүйэр, кэриэстиир үтүө үгэспит буолбута быданнаата. Тэрээһин үөрүүлээх чааһыгар «Баатаҕай нэһилиэгэ» ТСТ баһылыгын солбуйааччы А.П. Петрова эҕэрдэ, «Спорт – Албан аат» музей төрүттээччи К.И. Румянцева ыллыктаах тылларын тиэртилэр. Быйылгы үөрэх дьылын түмүктүүр оскуола выпускниктара, учууталлар, үөрэнээччилэр, нэһилиэк олохтоохторо Н.Н. Тарскай бюһугар сибэкки дьөрбөтүн уурдубут, ол кэннэ эти-хааны уһугуннарар, чэбдигирдэр хамсаныылары оҥордубут. Хамсаныылары Баатаҕай орто оскуолатын 8-с кыл. үөрэнээччитэ, кэскиллээх спортсмен Антон Татаринов иилээн-саҕалаан ыытта. Түмүккэ педагогическай үлэ ветерана Ксения Иннокентьевна Тарскай сөбүлүүр монпасье кэмпиэтинэн тэрээһин кыттыылаахтарын күндүлээтэ. Улууспут олохтоохторун, ыалдьыттарын улуу киһибит Николай Тарскай төрөөбүт күнүнэн өссө төгүл эҕэрдэлиибит! Августина Пермякова, библиотекарь ✅ @uamurusahargata @ulusmedia