МБОУ "Большеменгерская ООШ" Атнинского муниципального района РТ
Образование · 31 мая 2026 г.
26 май мәктәбебездә 9 нчы сыйныф укучыларының чыгарылыш бәйрәме булып узды. Бу истәлекл... — 31 мая 2026 г. в 09:12:17.443
26 май мәктәбебездә 9 нчы сыйныф укучыларының чыгарылыш бәйрәме булып узды. Бу истәлекле көн укучылар, укытучылар һәм әти-әниләр өчен мәңге онытылмас мизгелләргә бай булды. Чараның кунагы — Татарстан Республикасы Дәүләт Советы депутаты Камил Әсгать улы Нугаев чыгарылыш сыйныф укучыларын ихлас тәбрикләп, аларга зур уңышлар, якты киләчәк һәм ныклы ышаныч белән атлавын теләде. Бәйрәмгә шулай ук Әтнә муниципаль районы Башкарма комитетының мәгариф бүлеге җитәкчесе Фатыйхов Рафис Рәфкать улы, Әтнә районы яшьләр эше, спорт һәм туризм бүлеге җитәкчесе Мухаметшин Ирек Фирдинат улы, Авыл җирлеге башлыгы Филатова Фарида Фаяз кызы, Авыл хуҗалыгы җитештерү кооперативы рәисе Мостафин Тәлгать Габделхак улы да килеп, чыгарылыш сыйныф укучыларына изге теләкләрен җиткерделәр. Алар укучыларга киләчәктә уңышлар, нык сәламәтлек, зур үрләр һәм максатларына ирешүләрен теләделәр. Аеруча җылы рәхмәт сүзләре кадерле әти-әниләргә дә адреслана. Сезнең сабырлыгыгыз, ярдәмегез, ышанычыгыз һәм балаларыгызга булган чиксез мәхәббәтегез өчен олы хөрмәтебезне һәм ихлас рәхмәтебезне белдерәбез. Бу бәйрәм — сезнең дә уртак шатлыгыгыз, уртак горурлыгыгыз. Кадерле чыгарылыш сыйныф укучыларыбыз! Алда сезне яңа мөмкинлекләр һәм зур сынаулар көтә. Һәр адымыгыз ышанычлы, һәр омтылышыгыз уңышлы, һәр хыялыгыз тормышка ашсын.