Хорсун быһыыны көрдөрбүт Эрхан Захаровка уопсастыбаннай-государственнай бэлиэни туттард... — 2 июня 2026 г. в 07:03:47.669
Хорсун быһыыны көрдөрбүт Эрхан Захаровка уопсастыбаннай-государственнай бэлиэни туттардылар👏👏 Бэс ыйын 1 күнүгэр Дьокуускайга Култуура уонна сынньалаҥ пааркатыгар Аан дойдутааҕы оҕо көмүскэлин күнүгэр СӨ Бырабыыталыстыбатын Бэрэссэдээтэлин солбуйааччы Анатолий Семенов бу бэлиэ күн өрөспүүбүлүкэҕэ улахан суолталааҕын бэлиэтээтэ. Тэрээһин кэмигэр оскуола үөрэнээччилэрин наҕараадалаатылар. Манна улахан болҕомто эдэр көлүөнэни гражданскай-патриотическай иитиигэ ууруллан, Бээди сүрүн оскуолатын 2-с кылааһын үөрэнээччитигэр Эрхан Захаровка, «Итии сүрэх (Горячее сердце)» Бүтүн Арассыыйатааҕы уопсастыбаннай-государственнай көҕүлээһин лауреатын анал бэлиэтэ туттарылынна. Быйыл кини хорсун быһыыта 2026 сыллааҕы икки дьоһуннаах федеральнай кинигэҕэ үйэтитилиннэ: «Итии сүрэх (Горячее сердце)» Бочуот кинигэтигэр уонна «Подвиги» бырайыак «Дьоруой оҕолор тустарынан дьиҥ олоххо буолбут историялар» хомуурунньугар. Манна Арассыыйа оҕолоругар анаан эксперт-быыһааччылартан сүбэлэрдээх холобур быһыытынан суруллубута. Бу наҕараада - Эрхан хорсун быһыытын судаарыстыбаннай таһымҥа билинии буолар. Эрхан Захаров хорсун быһыытынан улууспут бары дьоно-сэргэтэ, ыччата киэн туттабыт уонна кэнчээри ыччакка холобур оҥостобут. ✍️Мария Винокурова, «О5о саас сирдьиттэрин (Навигаторы детства)» улуустааҕы координатора 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU ✅ @uamurusahargata @ulusmedia