Бэс ыйын 5 күнүгэр 66-с төгүлүн ыытыллар Улуустааҕы Турслет иккис күнүгэр хамаандалар б... — 10 июня 2026 г. в 04:18:20.292
Бэс ыйын 5 күнүгэр 66-с төгүлүн ыытыллар Улуустааҕы Турслет иккис күнүгэр хамаандалар быһаарыылаах 2 көрүҥҥэ күрэхтэстилэр. Бастакы көрүҥҥэ, хамаандаларын туһунан сырдатар, кэпсиир сыаллаах «Стенгазета» күрэҕэр улахаттарга 3 миэстэни Тиэлиги хамаандата, 2-с миэстэни Павловскай хамаандата уонна кыайыылааҕынан Хорообут оскуолатын хамаандата ыллылар. Кыраларга 3-с миэстэни Хоробут-1 хамаандата, 2-с миэстэни Хорообут-2 хамаандата ылары ситистилэр, кыайыылааҕынан Павловскай хамаандата ааттанна. Түмүктүүр түһүмэхпит «Поисково-спасательная работа». Манна улахан оҕолорго 3-с миэстэни Майа 2-с нүөмэрдээх оскуолатын хамаандата, 2-с миэстэни Павловскай хамаандата уонна 1-кы миэстэни Тиэлиги оскуолатын хамаандата ылары ситистилэр. Кыраларга 3-с миэстэ – Хорообут-2 хамаандата, 2-с миэстэ- Павловскай хамаандата, уонна кыайыылаах үрдүк аатын ТелБырМай (Телиги-Бырама-Майа) оскуолаларын сүүмэрдэммит хамаандата ылары ситистэ. Икки күннээх тыҥааһыннаах киирсиилэр түмүктэринэн улахаттарга (со снаряжением): 1 миэстэ – Павловскай оскуолатын хамаандата; 2 миэстэ – Тиэлиги оскуолатын хамаандата; 3 миэстэ - Хорообут оскуолатын хамаандата. Кыраларга (без снаряжения): 1 миэстэ – Бырама оскуолатын хамаандата; 2 миэстэ – Павловскай оскуолатын хамаандата; 3 миэстэ - Хорообут-1 хамаандата таҕыстылар. Хас биирдии кыттыбыт оскуола илии тутуурдаах, өттүк харалаах бардылар. Майа 2-с нүөмэрдээх оскуолата 3 миэстэлээх палатканан уонна 5 тыыһынчалаах сертификатынан; Павловскай оскуолата 10 тыыһынча уу харчынан; Хорообут оскуолата 10 тыыһынча уу харчынан уонна 2 тыһ. сертификатынан; Табаҕа оскуолата 2 миэстэлээх палатканан уонна Походнай остуолунан; Тиэлиги оскуолата Шатёрунан уонна 5 тыһ. сертификатынан; Бырама оскуолата 8 тыһ. сертификатынан уонна 5 тыһ. сертификатынан наҕараадаланнылар. Бу күрэххэ бириистэри спонсордаабыт дьоммутугар урукку, аныгы кэм туристарыгар Неустроева Февронья Павловна уонна Нестерева Любовь Васильевна үөрэппит оҕолоругар, Холгума нэһилиэгин олохтоох дьаһалтатыгар, Бырама сүрүн уопсай үөрэхтээһин оскуолатыгар, Захаров Эдуард Титовичка, Неустроева Айыына Андреевнаҕа, Февронья Павловна бииргэ үлэлээбит коллегаларыгар, доҕотторугар уонна аймахтарыгар барҕа махталбытын биллэрэбит. Үтүө киһи аата үйэлэргэ умнуллубатын.