☎“Бүзүрел телефону"☎ — 21 января 2026 г. в 12:54:15.931
☎“Бүзүрел телефону"☎ 📞Бүзүрел телефону 8-800-2000-122 - психологтуг дүрген дуза чедирер тускай аргазы. Чангыс аай 8-800-200-0122 деп дугаарлыг Россияның уругларының «Бүзүрел телефону» Тывага 2010 чылдың октябрь 1–де ажылдап эгелээн. 📌Кажан кижи коргуп азы сагыш-сеткили муңгарай берген үеде, арга-сүме кадар, чугаалажыр чоок кижи чок апарганда, шак ол уеде «Бүзүрел телефону» силерге дуза болур. «Бир эвес силерни дыңнаар кижи чок болза», тускай белеткелди эрткен психологтар дыштаныр хүн чокка 24 шак дургузунда уругларга, аныяктарга, ада-иелерге телефон дамчыштыр дузаны орус, тыва дылдарда чедирип турар. Кандыг-даа байдалдарда бодуңарга эптиг өйде бо телефонче долгап, дуза дилеп болур силер. 📌Бир эвес кым бир кижиге бодуңарның берге айтырыгларыңарны чугаалаары ыянчыг болза, сеңээ деткимче бериптер кижи чок болза, дуржулгалыг психологтарже долгап, оларның арга-сумезин ап болур силер. Хүн бүрүде “Бузурел телефонун” хөйү-биле бичии болгаш элээди назылыг уруглар-биле быжыг харылзааны тудуп турар. Уругларның чугаазындан алырга, хөй кезии хомудалдар, уругларга каржы-хажагай хамаарылгалар дугайында болуп турар дээрзин факт-барымдаалар бадыткап турар. Амыдыралдың мындыг берге үелеринде уругларга бүзүрел телефонунуң ажылдакчылары дургени-биле халас болгаш чажыт психологтуг дузаны чедирип турар. ☎Бүзүрел телефонунуң угланыышкыны аңгы-аңгы: ♦Тускай хевир – бичии болгаш элээди назылыг уругларга, өг-бүледе херээжен кижилерже хол көдүрген, хора чедирген таварылгада болгаш арага, наркотиктиг бүдүмелдерге хандыкшып, адырлып чадаан кижилерге дузалыг. ♦Чидириглиг хевир (кризистиг) – бо хевирде ажыг-шүжүгге, аарыг-ажыкка таварышкан кижилерге опыт-дуржулгалыг психологтар дузаны кадып турарлар. ♦ Ниити айтырыглар шиитпирлээр угланыышкынныг хевир – бо хевирде ажылдап турар тускай мергежилдиг кижилерге муңгараан, хомудаан сагыш-сеткилиңерни үндүр чугаалап ап болур силер. Олар силерни кичээнгейлиг дыңнаар болгаш силерни дүвүредип турар айтырыгларны шиитпилээринге дузаны кадар. Азы болза, силерге дуза кадып болгу дег чогуур черлерниң адрес, телефонун силерге тып берип, дузалаарлар. Бо хевирде ажылдап турар тускай мергежилдиг кижилер силерниң таваржы берген бергелериңерни канчаар ажып эртер аргаларын сүмелеп, айтып берип болурлар. Ол ышкаш ол кижилер силерни ол-бо деп шүгүмчүлеп, буруудадып турбас. Ынчангаш чамдыкта сагыш-сеткилди муңгарадып турар чүүлдерни үндүр чугаалаптары безин – улуг чедиишкин-дир! #Профилактика17 #МинутаТелефонДоверия