МБОУ "Чакырская СОШ им. С.С.Яковлева-Эрилик Эристина"
Образование · 30 мая 2026 г.
Ыам ыйын 25 күнүгэр — 30 мая 2026 г. в 01:08:16.311
Ыам ыйын 25 күнүгэр "Айыы Дьөһүөл" түһүлгэтигэр "Оҕо саас уйгулаах ыһыаҕа" ыһылынна. "Оҕо саас" ыһыаҕа - бу оҕолорго аналлаах саха норуотун олус истиҥ, үтүө үгэстэрин билиһиннэрэр, сахалыы сиэр-туом, фольклор уонна оонньуу нөҥүө оҕону иитэр тэрээһин. Бу күн аал уокка арыынан, алаадьынан айах тутан, арчыланар сиэр-туом ыытылынна, кырачааннартан саҕалаан улахаттарга диэри бары түмсэн оһуохай үҥкүүтүн үҥкүүлээтилэр, манна "Кылаан чыпчаал" төрдүс кылаас үөрэнээччитэ Сохсойоон Нарыйаана ааттанан, сэрии сылын оҕото, Эргиэн бэтэрээнэ, оһуохайдьыт, сцена бэтэрээнэ Титова Анастасия Михайловна, төрөппүт оҕолоро, ыччаттара туруорбут анал бириистэрин (3000) тутта. Маны таһынан саха талба мааны таҥаһын, уһун суһуох, саха төрүт оонньуута - хапсаҕай, мас тардыһыыта буолла, 1, 2, 3 миэстэлэр ааттаннылар, кыайыылаахтар бирииһинэн, дипломунан наҕараадаланнылар. Хас биирдии кылаас оҕото, төрөппүтэ, кылаас салайааччылар ох курдук оҥостон, сиэдэрэйдик симэнэн, ыһыах күн бэрт үчүгэйдик буолан ааста.