МБОУ "Чакырская СОШ им. С.С.Яковлева-Эрилик Эристина"
Образование · 10 мая 2026 г.
Ыам ыйын 8 күнүгэр — 10 мая 2026 г. в 23:00:50.144
Ыам ыйын 8 күнүгэр Биһиги нэһилиэкпитигэр Улуу Кыайыы 81 сылын уруйдаан-айхаллаан көрүстүбүт. Үөрэнээччилэр, улахан дьон – бары үөрэ-көтө кыттыыны ыллыбыт. Тэрээһин сэлэлээн хаамыыттан саҕаланна. Нэһилиэк олохтоохторо, оскуола үөрэнээччилэрэ «Өлбөт үйэлээх полк» аахсыйаҕа кыттан, Улуу Кыайыыны уһансыбыт чугас дьоннорун мэтириэттэрин тутан хаамтылар. Онтон Кыайыы күнүгэр аналлаах митинг - бу Улуу Кыайыыны уһансыбыт, сэрии толоонугар охтубут буойуттары кэриэстээһин, кинилэр ааттарын үйэтитии, тыыннаах хаалбыт бэтэрээннэргэ сүгүрүйүү улахан тэрээһин "Кыайыы памятнигар" буолан ааста. Бу күн дьон-сэргэ сэрии сылларын ахтан ааһар, эйэлээх олоҕу арчылыыр, Георгиевскай лиэнтэлэри кэтэн Улуу Кыайыыны бэлиэтээтибит. Төһө да тымныы күн турдар, Улуу Кыайыы күнэ киэҥ далааһыннаахтык буолан ааста. Ким да умнуллубат, туох да умнуллубат! Барыгытын Улуу Кыайыы күнүнэн эҕэрдэлиибит!