Амматтан Гарри Сдвижков - дэгит күрэс оонньууларын кыайыылааҕа Педагог... — 1 июля 2026 г. в 12:27:00.978
Амматтан Гарри Сдвижков - дэгит күрэс оонньууларын кыайыылааҕа Педагогическай дьаарбаҥка чэрчитинэн аан бастакытын өрөспүүбүлыкэ физкультура учууталларын икки ардыларыгар дэгит оонньууларга күрэс буолан ааста. Бу күрэскэ Амма, Таатта, Ньурба, Мэҥэ-Хаҥалас уонна Сунтаар улууһун учууталлара кытыннылар. Күрэс үс көрүҥтэн турда: мас тардыһыы, сүүрүү уонна таас көтөҕүү. Тыҥааһыннаах күрэс түмүгүнэн Муҥутуур Кыайыылааҕынан Амма улууһуттан Чапчылҕан орто оскуолатын физкультура учуутала Гарри Сдвижков буолла. Иккис үрдэли Сунтаар улууһун бастакы нүөмэрдээх оскуолатын учуутала Валентин Иванов уонна үһүс үрдэли Мэҥэ -Хаҥалас улууһун Рассолода оскуолатын учуутала Петр Сергеев буоллулар. Сурун бириистэри Амматааҕы агро оскуолалар түмсүүлэрэ туруорда. Ол курдук, А.Е.Кралин аатынан Абаҕа орто оскуолата маҥнайгы миэстэҕэ - убаһа, иккис миэстэҕэ Н.Е.Иванов аатынан Бөтүҥ орто оскуолата - ньирэй уонна үһүс бочуоттаах миэстэҕэ В. Г. Короленко аатынан Амма маҥнайгы нүөмэрдээх орто оскуолата 10 киилэ Амма арыытын бэлэх ууннулар.