Чайгы дыштанылгалар — 14 июня 2026 г. в 10:35:54.092
Чайгы дыштанылгалар Школачыларның үрде манааны чайгы дыштанылгалары келген. Чамдыктары суурларже арыг-агаарлыг черлерже төрелдеринче дыштанып чорупканнар. Чамдыктары Тываның иштинде азы соңгаар лагерьлеп турар. Төрээн суурундан ыравайн, школа чоогунда лагерьлерни шилип алган уруглар база кайы хөй. Чижээ, Кара-Хаакта школа чанында лагерьде 50 ажыг уруглар бир дугаар сезонда дыштанып турарлар. Чайгы үеде уругларның ада-иези ажылдап турда хостуг үези хөй. Ынчангаш улуг улустуң, башкыларның хайгааралы чокка дыштанып турар уруглар-биле хай-халап хөйү-биле болуп турарын дуржулга көргүзүп турар. Бирги черде мотоцикл, терге муңган назы-хар четпээннер аразында кемдээшкиннер, амы-тынынга четтинер таварылгалар база тургулаар. Ийиде, суг айыылы. Уругларның дыштанылгалары канчаар эгелээнил, дараазында репортажта. ✅ Еще больше новостей Вести Тыва в MAX и в VK