🌟Далыр оскуолатын 19-с выпусктара оскуола5а уонна лааҕыр оҕолоругар ыалдьыттаатылар! — 19 июня 2026 г. в 03:34:51.140
🌟Далыр оскуолатын 19-с выпусктара оскуола5а уонна лааҕыр оҕолоругар ыалдьыттаатылар! Бэс ыйын 19 күнүгэр оскуолабыт лааҕырыгар ураты уонна долгутуулаах күн буолан ааста. Оскуоланы бүтэрбиттэрэ 50 сыллаах көмүс юбилейдарын бэлиэтии сылдьар Далыр оскуолатын 19-с выпусктара оҕолорго күндү ыалдьыт буолан таарыйдылар. Көрсүһүү кэмигэр оҕолор уонна выпускниктар ортолоругар Далыр сирин, оскуола олоҕун уонна урукку кэмнэр тустарынан олус сэргэх, ис киирбэх кэпсэтии таҕыста. Ыалдьыттар бэйэлэрин выпустарын олоҕун сырдатар хаартыскалаах альбому уонна Олоҥхо кинигэтин оскуола музейыгар бэлэх ууннулар. Ордук долгутуулааҕа диэн, лааҕыр иһигэр эдэр олоҥхоһуттар баалларын билэн, выпускниктар олус үөрдүлэр уонна сыаналаах кинигэни ол оҕолорго бэйэлэригэр утары ууммуттара ураты суолталанна. Бу — көлүөнэ сибээһин уонна үгэһи тутуһуу кэрэ холобура буолар. Уопсай өйдөбүнньүк хаартыскаҕа түһүү кэнниттэн выпускниктар оскуола музейын көрдүлэр уонна тэрийээччилэргэ истиҥ махталларын тиэрдэн, салгыы уерэн-кетен кылааьынан керсуьэ бардылар. Оскуолабыт олоҕун уонна остуоруйатын сырдык өйдөбүллэрин кэрэһэлиир күндү бэлэхтэрин иһин ытык ыалдьыттарбытыгар, 19-с выпустарга, оскуола коллективын аатыттан муҥура суох махталбытын тиэрдэбит! Күндү выпускниктарбытыгар кытаанах доруобуйаны, уһун дьоллоох олоҕу, өрүүтүн маннык үөрүүлээх көрсүһүүлэр элбииллэрин уонна тапталлаах Далырбыт аатын өссө да үрдүктүк тута сылдьаргытыгар баҕарабыт!✨