🏆 В.П.Ларионов аатынан Майа орто оскуолатын нуучча тылын учуутала Ирина Никанорова Мос... — 28 января 2026 г. в 13:16:28.254
🏆 В.П.Ларионов аатынан Майа орто оскуолатын нуучча тылын учуутала Ирина Никанорова Москва куоракка ыытыллыбыт «Патриот учуутал» Бүтүн Арассыыйатааҕы маастар-кылаас куоҥкуруһугар кыайыылаах үрдүк аатын ылла ⚡️ Киэҥ хабааннаах түһүлгэҕэ сүүмэрдиир түһүмэҕи ааһан дойду араас муннугуттан 35 бастыҥ учуутал кытынна. Куоҥкурус кыттыылаахтара үс түһүмэҕинэн национальнай оскуолалар үлэлэрин сырдаттылар, учуутал үөрэтэр үлэтин маастар-кылааһыгар кытыннылар, төрүт таҥаһы көрдөрдүлэр. Ирина Васильевна Саха сиригэр, ол иһигэр өрөспүүбүлүкэ биир бастыҥ үлэлээх В.П.Ларионов аатынан Майа орто оскуолатыгар кэнчээри ыччаты үөрэтии, иитии тиһигин уратытын чаҕылхайдык сырдатан, үлэтин уопутуттан таһаарыылаахтык үллэстэн кыайыылаах буолары ситистэ. ⚡️ Бэлиэтээн эттэххэ, Ирина ахсынньы ыйга Москва куоракка ыытыллыбыт «Мин бастыҥ уруогум» педагогтар идэлээх маастарыстыбаларын Арассыыйатааҕы куоҥкуруһар иккис миэстэ буолбута. ⚡️ Айымньылаах учуутал В.П.Ларионов аатынан Майа орто оскуолатыгар 2015 сыллаахтан нуучча тылын, литературатын учууталынан, кылаас салайааччытынан үлэлиир. Үөрэнээччилэрэ олимпиадаларга, уус-уран ааҕыыларга ситиһиилээхтик кытталлар. Салайар кылаастара кэлэктиибинэн хомустууллар, араас айар бырайыактары үлэлэтэллэр. 💐Эҕэрдэлиибит! @gazetaerkeii @ulusmedia