10 март көнне лицеебызда яраткан шагыйрәбез Шәмсия Җиһангирова белән бик эчтәлекле һәм ... — 13 марта 2026 г. в 06:32:54.445
10 март көнне лицеебызда яраткан шагыйрәбез Шәмсия Җиһангирова белән бик эчтәлекле һәм җылы очрашу үтте. Шәмсия Җиһангирова - татар дөньясында үзенең тирән мәгънәле шигырьләре, үткен сүзе һәм искиткеч моңлы күңеле белән танылган шәхес. Аның белән очрашу безнең өчен чын бәйрәм булды. Һәр сүзеннән, шигыреннән бөркелгән җылылык күңелебезгә яктылык һәм өмет өстәде. Аның шигырьләре- татар теленең байлыгын һәм матурлыгын күрсәтүче көзге. Туган телебезнең никадәр назлы һәм көчле булуын тагын бер мәртәбә тойдык. Шушы очрашуда катнашкан балаларга, укытучыларга, директорыбызга зур рәхмәтләребезне белдерәбез. Киләчәктә дә иҗади уңышлар телибез!