«Куолу-2026» күрэх
«Куолу-2026» күрэх Олунньу 12 күнүгэр В.Г.Павлов аатынан Сунтаар алын сүһүөх оскуолатыгар улуустааҕы «Куолу-2026» күрэх ыытылынна. Бу күрэҕи улууска үһүс төгүлүн Лена Герасимовна Петрова салайыытынан уонна метод холбоһук учууталлара тэрийэн ыыттылар. Күрэх сыала: төрөөбүт тылга тапталы иҥэрии, санааны сааһылаан этэргэ, тыл культуратыгар уһуйуу. Барыта 33 уол кэлэн күрэхтэстилэр. Үһүс кылаастан 17, төрдүс кылаастан 16 үөрэнээччи түөрт түһүмэҕинэн күөн көрүстүлэр. Бастакы түһүмэххэ бэриллибит тиэмэҕэ сахалыы тылынан тыл этээһин. Кыттааччы сахалыы тылынан бэйэтин билиитин-көрүүтүн, санаатын бар дьоҥҥо иһитиннэрэр. II түһүмэххэ сомоҕо домох суолтатын быhаарыы, сомоҕо домоҕун туттан этии толкуйдааһын. III түһүмэххэ тыл суолтатын ойуунан быһаарыы. Кыттааччы түбэспит ойуунан биридимиэттэр ааттарын этэр .IV түһүмэххэ 5 мүнүүтэ иһигэр бэриллибит тиэмэҕэ өйтөн суруйуу. 3 кылаастарга дьүүллүүр сүбэҕэ үлэлээтилэр: бэрэссэдээтэлинэн Чыбыков Федот Егорович, Сунтаардаҕы оҕо бибилитиэкэтин сэбиэдиссэйэ Мария Ивановна Никифорова, улуустааҕы “Куолу-2011” күрэх “Кылаан кыайыылааҕа, №1 оскуола үөрэнээччитэ Емельянов Саша. Онтон 4 кылаастарга дьүүллүүр сүбэҕэ үлэлээтилэр : СПТЛ-И саха тылын учуутала Мария Васильевна Кондратьева, оҕо бибилитиэкэтин кылаабынай бибилитиэкэрэ Марфа Егоровна Спирова, улуустааҕы “Куолу-2018” күрэх “Кылаан кыайыылааҕа” гимназия үөрэнээччитэ Контогоров Вася. Түһүмэхтэр түмүктэринэн: “Кылаан кыайыылаах”, 1,2,3 миэстэлэр, ону таһынан “Хомоҕой тыллаах”, “Айар алыптаах”, “Тобуллаҕас толкуйдаах”, “Уус тыл абылаӊа”, “Ийэ тыл кэрэтэ”диэн анал ааттар иҥэрилиннилэр. Күрэх түмүгүнэн “Кылаан кыайыылаах” анал ааты 3 кылаастарга Түбэй орто оскуолатын үөрэнээччитэ Румянцев Арчылаан, 4 кылаастарга Сунтаар алын кылаас үөрэнээччитэ Ксенофонтов Байдам ыллылар. Бастакы миэстэҕэ 3 кылаастарга Заболоцкий Давид, 4 кылаастарга Александров Сахамин Сунтаар алын кылаас үөрэнээччилэрэ тигистилэр. 2 миэстэ буоллулар: 3 кылаастарга Хадан орто оскуолатын үөрэнээччитэ Степанов Даниил уонна 4 кылаастарга Сунтаар алын кылаас үөрэнээччитэ Львов Арсен. 3 миэстэ5э таҕыстылар : 3 кылаастарга Элгээйи орто оскуолатын үөрэнээчитэ Сафонов Эрсан, 4 кылаастарга Бордоҥ орто оскуолатын үөрэнээччитэ Максимов Андриан. 4 кылаастарга анал ааты ыллылар: “Хомоҕой тыллаах”- Сунтаар алын кылаас үөрэнээччитэ Уаров Валентин, “Айар алыптаах”- Күүкэй орто оскуолатын үөрэнээччитэ Федоров Даниэль, “Тобуллаҕас толкуйдаах”- Куокуну орто оскуолатын үөрэнээччитэ Бабкин Марк, “Уус тыл абылаӊа”-Сунтаар №3 оскуолатын үөрэнээччитэ Семенов Аркадий, “Ийэ тыл кэрэтэ” -Кэмпэндээйи орто оскуолатын үөрэнээччитэ Герасимов Эрчимэн. 3 кылаастарга анал ааты ыллылар: “Хомоҕой тыллаах”- Тойбохой орто оскуолатын үөрэнээччитэ Васильев Дима, “Айар алыптаах”- Куокуну орто оскуолатын үөрэнээччитэ Винокуров Афоня,“Тобуллаҕас толкуйдаах”- Кутана орто оскуолатын үөрэнээччитэ Кузьмин Айхал, “Уус тыл абылаӊа”- Сунтаар алын кылаас үөрэнээччитэ Матросов Костя. Бэйэҕит санааҕытын дьону-сэргэни итэҕэтэр гына, төрөөбүт тылгытынан хомоҕойдук этэ уерэниҥ, тɵрɵɵбүт тылгытын таптааҥ диэн үөрэнээччилэргэ истиҥник - иһирэхтик Мария Васильевна Кондратьева оҕолорго баҕа санаатын тириэртэ. Оҕолор кыттыы иhин сертификаттары уонна бириистэри тутан, үөрэн-көтөн тарҕастылар. Онтон учууталлар күрэх үрдүк таһымҥа ыытыллыбытын бэлиэтээн махтаннылар.