Октаргайның делгемнеринден байыр чедирген — 3 апреля 2026 г. в 08:36:29.336
Октаргайның делгемнеринден байыр чедирген Чыл санында, апрель 12-де, Россияда Космонавтика хүнүн демдеглеп турар. Эрткен чылын бистиң чаңгыс чер чурттуувус Кирилл Песков космосче ушканы онзагай. Ол 1990 чылда Кызыл хоорайга төрүттүнген. 2025 чылдың апрель 12-де ол космостан тыва чонга чонга байыр чедирген. Харын-даа космосче Тываның тугун ап чораан болгаш, Кызыл хоорайның эмблемазын таңмалаан футболканы кедип алгаш, байыр чедирген сөстерни видео-харылзаа таварыштыр дамчыткан. «Хүндүлүг чаңгыс чер чурттугларым – Тыва Республиканың чону! Бүгү-делегейниң космиктиг станциязындан силерге изиг байыр чедирер аас-кежик меңээ таварышканы-биле өөрүп тур мен. Бистиң планетавыстың каас-чаражын дамчыдар сөстер тывылбас. Ындыг болганда, ында чуртталга оон-даа магаданчыг болур кылдыр шупту кызып амыдыраалыңар. Бүгү-делегейниң космонавтика хүнүн таварыштыр аныяктарга чагыым: күзелдериңер бүдеринге бүзүреңер, ону боттандырар дээш сорулгадан салып алыңар! Чуртталгада болдунмас чүүл чок, чүгле кызымаккай болур. Байырлал-биле, эш-өөр!» - деп, Кирилл Песков космостан дамчыткан. Уран-Даш КУЖУГЕТ. Кызыл хоорайның 9 дугаар гимназиязының 7 «г» клазының өөреникчизи. «Элээди журналист» бөлгүмү #коднюкосмонавтики https://vk.com/video-217318943_456239220